جاقىندا وقو-دا شىعاتىن  "جانۋبيي قوزوعيستون" اتتى جەرگىلىكتى وزبەك دياسپوراسىنىڭ مەرزىمدىك گازەتىندە قازاقتىڭ باتىر ۇلى، جەڭىمپاز كسرو تۋىن رەيحستاگقا تىككەن -  راقىمجان قوشقاربايەۆ تۋرالى داۋلى ماقالا جارىق كوردى. اتالمىش گازەتتە ماقالا اۆتورلارى راقىمجان قوشقاربايەۆتىڭ ۇلتىن - "وزبەك" دەپ كورسەتكەن. بۇل تۋرالى "قامشى" پورتالى

-كە سىلتەمە جاساي وتىرىپ حابارلايدى. مۇنداي شىندىققا ەش جاناسپايتىن، سان جىلدىق تاريقتى بۇرمالاۋدى كوزدەگەن ماقالا قازاق قوعامىندا رەزونانس تۋدىراتىنى ءسوزسىز. ن.ماۆلانوۆا ەسىمدى جۋرناليست جەڭىستىڭ 70-جىلدىعى قارساڭىندا «داۆر قاحراموني ەكي ماملاكات بويليگي» اتتى ماقالاسىن جاريالاعان. وندا قاھارماننىڭ شىن ەسىمى - راحيمجون كۋچكوربويەۆ دەپ ايتادى. سونداي-اق، ماقالادا سوعىس ارداگەرى، قازىعۇرت اۋدانىنىڭ تۇرعىنى تۇرعىن كەنەنبايەۆ ەسىمدى قاريا ءوزىنىڭ قوشقاربايەۆپەن تانىستىعى تۋرالى بايانداعان. "مەن بەرلينگە دەيىن جەتكەن اداممىن. وندا شىققان تەگى قازاقستاندىق "وزبەك" ازاماتى راحيمجون كۋچكوربويەۆ ءۇش قاباتتى عيماراتتىڭ شاتىرىنا كەڭەس تۋىن تىككەنىن ءوز كوزىممەن كوردىم"-دەيدى مىس. جانيبەك تارحان، جۋرناليست: - تاريحي تۇلعالارعا، حاندارعا، باتىرلارعا، بيلەرگە، ۇلى تۇلعالارعا قاتىستى تاريحي شىندىقتى بۇرمالاۋ ءتىپتى ۇيات ماسەلە. اتالمىش ماقالانىڭ اۆتورى حالىق الدىندا كەشىرىم سۇراپ، ءوزىنىڭ جازعان ماتەريالىنداعى دەرەكتەردىڭ جالعاندىعىن مويىنداۋى ءتيىس. رەيحستاگقا تۋ تىككەن راقىمجان قوشقاربايەۆ 70 جىل قازاقتىڭ ماقتانىشى بولىپ كەلگەن. قالا بەرەدى دە. ال مىنا ماقالانى وقىپ،شوك بولىپ وتىرمىز. بۇل ماسقارا عوي. ءبىزدىڭ ۇلت ءۇشىن ماسقارا. كەزىندە گەنەرال سابىر راقىموۆقا قاتىستى وزبەكستان بيلىگى  باتىردىڭ ءۇلتى "وزبەك" دەپ بۇرمالادى. ۋاقىت وتە كەلە راقىموۆتىڭ شىن مانىندەگى ۇلتى انىقتالدى. ول ۇلى قازاقتىڭ وعلانى ەدى. مىنە، سابىر راقىموۆتىڭ وزبەكستانداعى ەسكەرتكىشى ءبىر-اق كۇننىڭ ىشىندە قيراتىلدى. مەنىڭشە، قوشقاربايەۆتىڭ ۇلتىن "وزبەك" دەپ جۇرگەندەرگە قاتىستى قازاق ينتەليگەنسياسى ءۇنسىز قالماۋى ءتيىس. راقىمجان قوشقاربايەۆ - اقمولا وبلىسىندا تۋعان. ۇلتى قازاق. سوۆەت وفيسەرى، ەكىنشى دۇنيەجۇزىلىك سوعىس قاتىسۋشىسى. 1945 جىلى 30ء-ساۋىر كۇنى قىزىل اسكەر جاۋىنگەرى گريگوريي بۋلاتوۆپەن بىرگە رەيحستاگقا جەڭىس تۋىن تىككەن بولاتىن.