قازان-تىرشىلىگىنەن قازاقىلىعى تامىپ تۇراتىن وڭتۇستىك قازاقستان وبلىسىندا تقارىلىپ جاتقان يگى شارالار از ەمەس. ەلباسى نۇرسۇلتان ءابىش ۇلىنىڭ سىندارلى ساياساتىن ورىنداۋدا وقو كوش باستاۋشىلاردىڭ قاتارىندا. سولاردىڭ ىشىندە مەكتەپ جاسىنا تولماعان بۇلدىرشىندەردى بالاباقشامەن قامتاماسىز ەتۋ ەلباسى ايقىنداپ بەرگەن تاپسىرمالاردىڭ ەڭ باستىسى ەكەنى تۇسىنىكتى. سونىمەن قاتار، قازاقستانداعى ءاربىر بەسىنشى ءسابي وڭتۇستىك وڭىرىندە دۇنيە ەسىگىن اشاتىنى دا بەلگىلى. ماسەلەن، سوڭعى ءتورت جىل ىشىندە وبلىس اۋماعىندا ءۇش ءجۇز مىڭنان استام نارەستەدۇنيەگە كەلگەن. وسىنى ەسكەرە كەلە وبلىس باسشىلارى بالعىنداردى بالاباقشامەن قامتۋ شارالارى جۇيەلى تۇردە جۇرگىزىلىپ جاتقانىن باياندادى. جالپى، وتكەن جىلى وبلىستا 160 مەكتەپكە دەيىنگى ۇيىم اشىلىپ، وندا 15 مىڭنان استام ءبۇلدىرشىن قامتىلسا، 1 ماۋسىم بالالار كۇنى قارساڭىندا وقو باسشىلارى تاعى ءبىر قۋانىشتى جاڭالىقتارىمەن ءبولىستى. وۇتۇستىكتەگى بۇلدىرشىندەردىڭ 70 پايىزدان استامى بالاباقشامەن قامتىلعان. بۇل تۋرالى وقو اكىمىنىڭ باسپا ءسوز قىزمەتى حابارلايدى. سونداي-اق وڭتۇستىكتەگى وڭ قادامدار رەتى تومەندەگىدەي بولعان.
- وڭتۇستىك قازاقستان وبلىسىندا مەكتەپكە دەيىنگى ۇيىمدار سانى 1500-گە جۋىقتاعان. ناتيجەسىندە 154 مىڭنان استام بالا بالاباقشامەن قامتىلعان.
- وقو-دا مەكتەپ جاسىنا دەيىنگى بالاباقشامەن قامتۋ كورسەتكىشى 76،9 پايىزعا جەتكەن.
- وبلىس كولەمىندە 637 جەكەمەنشىك مەكتەپكە دەيىنگە ۇيىمدار جۇمىس ىستەۋدە.
- جوعارىدا ايتىلعان مەكەمەلەردە 60 مىڭعا جۋىق ءبۇلدىرشىن تاربيەلەنۋدە.
- جىل سوڭىنا دەيىن مەكتەپكە دەيىنگى جاڭا 95 ۇيىم اشىلماق. جاڭا بالاباقشالار 12 مىڭ ورىنعا جوسپارلانعان. ياعني، وقو-داعى بۇلدىرشىندەردى بالاباقشامەن قامتاماسىز ەتۋ كورسەتكىشتى - 80 پايىزعا جەتكىزۋ كوزدەلىپ وتىر.
