بۇگىن، 2019 جىلعى 23 ءساۋىر كۇنى «Nur Otan» پارتياسىنىڭ كەزەكتەن تىس وتكەن ءحىح سەزىندە، پارتيا قازاقستان رەسپۋبليكاسىنىڭ پرەزيدەنتتىگىنە قاسىم-جومارت كەمەل ۇلىنىڭ كانديداتۋراسىن ۇسىندى.

بۇل، كوپتىڭ كوكەيىندە جۇرگەن شەشىم بولدى. قاسىم-جومارت توقايەۆ مەملەكەت باسشىسى لاۋازىمىنا ەڭ لايىقتى كانديدات دەپ سانايمىن.

بۇگىنگى كۇنگە دەيىن ەل جۇگىن ابىرويمەن ارقالاعان ەلباسى – نۇرسۇلتان نازاربايەۆ، ءوزىنىڭ ۇزاق مەرزىمدى ستراتەگيالارىمەن، باعدارلامالارىمەن ەل بولاشاعىن باياندى، كەلەشەگىن كەمەل ەتۋگە نەگىزدەلگەن دامۋ كارتاسىن جاساپ بەردى.

مىنە، وسى جوبالاردى تەرەڭ تۇسىنەتىن، ىسكە اسىراتىن بىردەن-بىر لايىقتى تۇلعا – قاسىم-جومارت كەمەل ۇلى توقايەۆ. ول كىسى مەملەكەتتىك قىزمەتتىڭ ءتۇرلى سالاسىندا ءجۇرىپ وتكەن جولىندا، ادال قىزمەتىندە ءوزىنىڭ تەرەڭ ءبىلىمى مەن تاجىريبەسىن كورسەتە ءبىلدى. ىسكەر ازامات ەكەندىگىن دالەلدەدى. سوندىقتان، حالىقتىڭ باسىم كوپشىلىگى ول كىسىنى ەل ءۇشىن ەڭبەك ەتكەن قايراتكەر رەتىندە تانيدى جانە قۇرمەتتەيدى.

ال، قورىتا ايتقاندا وسى كۇنگى اۋىزبىرشىلىگىمىز، تۇراقتىلىعىمىز بەن قارىشتاي دامۋىمىز تاۋەلسىزدىكتىڭ ارقاسى. بۇل ءبىزدىڭ اۋىزىمىز اققا تيگەن ۋاقىت. الداعى ۋاقىتتا دا وسىنداي ەلىم دەيتىن ەرلەر باردا، ەل حالقى يگىلىككە جەتكەن زامان بولسىن دەپ تىلەيمىن.

اياگۇل تورە قىزى ميرازوۆا                                                                                                  

                                 قازاقستاننىڭ ەڭبەك ەرى،                                                                                  

«التىن جۇلدىز»، «وتان» وردەندەرىنىڭ يەگەرى                                                                                

 قازاقستانعا ەڭبەگى سىڭگەن قىزمەتكەر،

الماتى قالاسىنىڭ،

جامبىل وبلىسىنىڭ،

جۋالى اۋدانىنىڭ

قۇرمەتتى ازاماتى