لاتۆيانىڭ كونستيتۋسيالىق سوتى ورىس مەكتەپتەرىندەگى ساباقتاردى لاتىش تىلىندە وتكىزۋ بويىنشا قويىلعان تالاپتى قاناعاتتاندىردى.

"سوت شەشىمى سوڭعى شەشىم بولىپ سانالادى. قابىلدانعان قاۋلى ونىڭ جاريالانعان كۇنىنەن باستاپ كۇشىنە ەنەدى"، - دەپ جاريالادى سوت قازىسى.

ءبىلىم جانە عىلىم مينيسترلىگىنە اتالمىش ماسەلەگە قاتىستى ۇسىنىستى «كەلىسىم» («سوگلاسيە») پارلامەنتتىك فراكسياسىنىڭ دەپۋتاتتارى جاساعان. ءتىل ماسەلەسى بويىنشا ۇسىنىستى تالقىلاۋ ءۇشىن العاشقى وتىرىس اقپان ايىنىڭ سوڭىندا بولعان ەدى.

لاتۆياداعى حالىق تالابىنىڭ نەگىزگى ءۋاجى – ورىس ءتىلى قولدانىس اياسى كەڭ انا تىلدەرىنىڭ دامۋىنا كەدەرگى كەلتىرەدى دەگەن ۋايىم.

ال ورىس ءتىلدى حالىقتىڭ داۋ تۋدىرۋ سەبەبى – بالالارىنىڭ ءوز تىلىندە ءبىلىم الۋىن تالاپ ەتەدى. ولار سوتتان زاڭدى قايتا قاراۋدى سۇراۋدا.

ءبىلىم بەرۋ ىسىندەگى بىرتىلدىلىكتى تولىققاندى ەنگىزۋ ۇستىمىزدەگى جىلدان باستالىپ، 2021 جىلدىڭ 1-قىركۇيەگىندە اياقتالۋى ءتيىس.

لاتۆيادا 2 ميلليونعا جۋىق ادام ءومىر سۇرەدى. ولاردىڭ 40 پايىزى – ورىس تىلدىلەر. رەسپۋبليكاداعى مەملەكەتتىك مارتەبەسى بار ءتىل – لاتىش ءتىلى. ورىس ءتىلى ءارتۇرلى ۇلتتاردىڭ ورتاق قارىم-قاتىناس ءتىلى بولىپ سانالادى.

ۇسىنعان: ادىلەت مادەنيەت