داۋرەن ابايەۆ "شىندىقتان قاشا المايسىڭ" اتتى اكسيا وتكىزىپ، 15 كۇنگە قامالعان بەلسەندىلەرگە قاتىستى پىكىر ءبىلدىردى دەپ جازادى Qamshy.kz اقپارات اگەنتتىگى. بۇل تۋرالى مينيستر "حابار" اگەنتتىگىندەگى "اشىق اڭگىمە" باعدارلاماسىنا بەرگەن سۇحباتىندا ايتتى. 

اتالمىش باعدارلامانىڭ جۇرگىزۋشىسى "بەلسەندىلەرگە قولدانىلعان جازا ولاردىڭ جاساعان قۇقىق بۇزۋشىلىعىنا لايىق پا؟" دەگەن سۇراق قويدى. 

"مەن ىس-ماتەريالدارىمەن تانىسپاعاندىقتان جانە لاۋازىمدى قىزمەتتەگى تۇلعا رەتىندە سوت شەشىمىنە قاتىستى ەشتەڭە دەي المايمىن. الايدا ساياسي اكسياعا قاتىستى ازاماتتىق پىكىرىمدى بىلدىرەيىن. كىم نە دەسە دە بۇل — ساياسي اكسيا. قاي جاعىنان الىپ قاراساق تا ساياسي اكسياعا كەلىپ تۇر. بىرىنشىدەن، قوعامدىق، ەكىنشىدەن، ۇندەۋ بار. ال ۇشىنشىدەن بۇل ساياسي جايتقا، ناقتىراق ايتقاندا سايلاۋعا قاتىستى ءوتتى. ارينە ءادىل سايلاۋعا ۇندەۋ قازاقستاننىڭ ەشبىر زاڭناماسىنا مۇلدەم قايشى ەمەس. مەن ازاماتتىق باستاما رەتىندە وتكىزگەن جاستاردىڭ بۇل ارەكەتىن قولدايمىن. دەگەنمەن، ءىىم ەرلان تۇرعىمبايەۆ ايتقانداي، زاڭ اياسىندا ءوتۋى قاجەت" ، - دەيدى داۋرەن ابايەۆ. 

اۋدارعان: اسەل بولات قىزى