ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ەلباسىنىڭ بەس الەۋمەتتىك باستاماسىن ىسكە اسىرۋ اياسىندا ستۋدەنت جاستاردى جاتاقحانالارمەن قامتاماسىز ەتۋ ماسەلەسى قارالدى. ۇكىمەت باسشىسى اسقار مامين ستۋدەنتتەردىڭ جاتاقحانا ماسەلەسىن شەشۋگە ناقتى تاپسىرمالار بەردى دەپ حابارلايدى Qamshy.kz اقپارات اگەنتتىگى ق ر پرەمەر-مينيسترىنىڭ رەسمي سايتىنا سىلتەمە جاساي وتىرىپ.

ءبىلىم جانە عىلىم ءمينيسترى كۇلاش ءشامشيدينوۆا جاتاقحانا قۇرىلىسى بويىنشا جوسپاردى ورىنداۋ ءۇشىن ۇكىمەتكە ءبىرقاتار شارا ۇسىنعان بولاتىن.  ستۋدەنتتەردىڭ ساپالى ءبىلىم الۋى ءۇشىن ەڭ الدىمەن ستۋدەنتتەردىڭ جاعدايى جاسالىپ، تۇراتىن ورىندارى دايىن بولۋى كەرەك. وسى ولقىلىقتاردىڭ ورنىن تولتىرۋ ءۇشىن قاجەتتى قارجى ءبولۋ مودەلى ازىرلەنگەن. مينيسترلىك ناقتى ءىس-شارالار جوسپارىن دا دايىنداعان.

«جوعارى دەڭگەيدەگى ءبىلىم بەرۋ جۇيەسىن قۇرۋ ءۇشىن ستۋدەنتتەردىڭ تۇرۋ جاعدايىن جاساۋ كەرەك»، — دەدى اسقار مامين.

ازىرگە مەملەكەتتىك وقۋ ورىندارىنا ينۆەستورلار كوپ قىزىعۋشىلىق تانىتىپ وتىرعان جوق. سونداي-اق، اسقار مامين جاتاقحانا قۇرىلىسى ءۇشىن مەملەكەتتىك بيۋدجەتتەن قوسىمشا قاراجات بولىنبەيتىنىن ەسكەرتتى.

«اكىمدەر رەكتورلارمەن جانە وقۋ ورىندارىنىڭ باسشىلارىمەن بىرلەسىپ، ستۋدەنتتەر جاتاقحانالارىن سالۋ جۇمىسىن جانداندىرىپ، جوسپارلانعان نىسانداردى ۋاقىتىندا تاپسىرۋدى قامتاماسىز ەتسىن، قىمبات جوبالىق-سمەتالىق قۇجاتتاما ازىرلەۋدى توقتاتسىن»، — دەپ تاپسىردى ق ر پرەمەر-مينيسترى ا. مامين.