بيلەتتەردىڭ جالپى سانىنىڭ 2 پروسەنتى عانا باسقا باعامەن ساتىلعان.”Fly Arystan” بيۋدجەتتىك اۋە كومپانياسىنىڭ بيلەتتەرى قىمباتتاعان جوق. بۇعان دەيىن ايتىلعان باعامەن ساتىلىپ جاتىر. بۇل تۋرالى پرەمەر-مينيستردىڭ ورىنباسارى جەڭىس قاسىمبەك مالىمدەدى دەپ حابارلايدى Qamshy.kz اقپارات اگەنتتىگى ZAN Media سايتىنا سىلتەمە جاساپ. 

بەلگىلى بولعانداي، جولاۋشىلاردىڭ 2 پروسەنتى “Fly Arystan” بيلەتتەرىن قىمباتقا ساتىپ العان.

"مەن ءبىر اپتا بۇرىن مونيتورينگ جاسادىم. بيلەتتەردىڭ جالپى سانىنىڭ 2 پروسەنتى عانا باسقا باعامەن ساتىلعان. ال، نەگىزىنەن، بيلەتتەر كومپانيا بەلگىلەگەن باعامەن ساتىلىپ جاتىر. ماسەلەن، ورال باعىتىنا – 12-13 مىڭ تەڭگە، تارازعا –  6 900 تەڭگە"، – دەدى قاسىمبەك ۇكىمەت كۋلۋارىندا.

ۇكىمەت باسشىسىنىڭ ورىنباسارى بيلەت قۇنىنىڭ ءارتۇرلى بولۋى جولاۋشىنىڭ جۇگى مەن تاڭداعان ورنىنا بايلانىستى ەكەنىن ايتتى.

"بىرەۋ جۇگىمەن ۇشادى، ەندى بىرەۋلەرى بارلىق بيلەت ساتىلىپ كەتكەن كەزدە ءبىر-اق الادى. بۇل ديناميكالىق جۇيە"، – دەدى ول.

ونىڭ ايتۋىنشا، قازاقستاننىڭ اۆياسيالىق تاسىمال نارىعى ايتارلىقتاي ۇلكەن ەمەس. جىل سايىن 5-6 ميلليون ادام ۇشادى.

"ءقازىر نۇر-سۇلتان مەن الماتى اراسىندا قاتىنايتىن تەمىرجول جولاۋشىلارىنىڭ ءبىر بولىگى وسى لوۋكوستەرگە اۋىسىپ جاتىر"،- دەدى قاسىمبەك.

ايتۋىنشا، بيىل Fly Arystan اۋە كومپانياسىندا ءتورت ۇشاق بولادى. جاڭا اۋە كومپانياسى ءبىر جىلدىڭ ىشىندە 1 ميلليون ادام تاسىمالداۋدى جوسپارلاپ وتىر.

ۇسىنعان: ادىلەت مادەنيەت