باس پروكۋراتۋرا ازاماتتارعا رۇقسات ەتىلمەگەن ميتينگىگە شىققاندار جاۋاپقا تارتىلاتىنىن ەسكەرتتى دەپ حابارلايدى Qamshy.kz اقپارات اگەنتتىگى ازاتتىق راديوسىنا سىلتەمە جاساپ. بۇل تۋرالى باس پروكۋراتۋرا سايتىندا دۇيسەنبى كۇنى، ياعني 29 ساۋىردە باس پروكۋرور ورىنباسارى مارات احمەتجانوۆتىڭ ەسكەرتۋ جازىلعان ۇندەۋى  جاريالانعان.

باس پروكۋراتۋرانىڭ جازۋىنشا، قۇقىق قورعاۋ ورگاندارى زاڭسىز ميتينگىگە شىققاندارعا ءتيىستى شارا قولدانىلادى. "مۇنداي اكسياعا قاتىسۋعا شاقىرعاندار، ۇيىمداستىرعاندار نە قاتىسقاندار اكىمشىلىك قۇقىق بۇزۋشىلىق تۋرالى كودەكستىڭ 488-بابىمەن جاۋاپقا تارتىلادى"، - دەپ ەسكەرتكەن.

"الەۋمەتتىك جەلىلەر مەن مەسسەندجەرلەردە 1 مامىردا رۇقسات ەتىلمەگەن ميتينگىگە قاتىسۋعا شاقىرۋ جازبالارى تاراپ جاتىر. مۇنداي اكسيالارعا قاتىسقانداردىڭ ارەكەتى بەيبiت جيىندار مەن ميتينگiلەردى ۇيىمداستىرۋ جانە وتكiزۋ ءتارتiبi تۋرالى زاڭدى بۇزۋ دەپ تانىلادى"، -  دەپ جازىلعان ۇندەۋدە.

ەستەرىڭىزگە سال كەتسەك، الماتى سوتى قازاقستان كونستيتۋسياسىنان سيتاتا ىلگەن رومان زاحاروۆتى ۇساق بۇزاقىلىق بابىمەن 5 تاۋلىككە قاماعان بولاتىن. زاحاروۆ ىلگەن باننەردە كونستيتۋسيانىڭ 3-بابى 1-تارماعىنداعى "مەملەكەتتىك بيلىكتىڭ بىردەن-بىر باستاۋى - حالىق" دەگەن ءسوز جازىلعان.