«قاراعاندى قالاسىنىڭ مادەنيەت جانە تىلدەردى دامىتۋ ءبولىمى» مەملەكەتتىك مەكەمەسىنىڭ ۇيىمداستىرۋىمەن قازاق پوەزياسى مەن ونەرىنىڭ تاريحىندا ورنى ەرەكشە ءانشى، اسا دارىندى سازگەر، اسقاق ءۇندى اقىن، سال-سەرىلىك ونەردىڭ تورەسى "ءان بۇلب ۇلى – ءبىرجان سال" اتتى كەش ۇيىمداستىرىلدى دەپ جازادى Qamshy.kz اقپارات اگەنتتىگى qazaquni.kz سايتىنىڭ دەرەگىن نەگىزگە الىپ.  

شىعارماشىلىق كەشتە ءبىرجان سالدىڭ  سان-قىرىن تولىعىمەن اشىپ، كورەرمەننىڭ كوڭىلىنە ۇمىتىلماستاي اسەر قالدىرۋ ماقساتىندا اقىننىڭ بويىنداعى، كەيىنگى ۇرپاققا مۇرا بولىپ قالعان ونەرى كورسەتىلدى.

بار ونەردى جانىنا سەرىك ەتكەن ءبىرجان سالدىڭ شوقتىعى بيىك تۋىندىلارى حالىق نازارىنا ۇسىنىلدى. كەشتە نۇر-سۇلتان قالاسىنان قازاقستاننىڭ ەڭبەك سىڭىرگەن ءارتىسى، پاراسات جانە قۇرمەت وردەندەرىنىڭ يەگەرى، ءانشى، پروديۋسەر-مايرا ءىلياسوۆا، قازاقستاننىڭ ەڭبەك سىڭىرگەن قايراتكەرى،پروفەسسور ايتبەك نىعىزبايەۆ،نۇربولات قۇسايىنوۆ، ايبەك رىمعالي، ءانۋار ادامبايەۆ، ازامات تۇسىپبەكوۆ، سىرىم مۇحامەدجان سىندى انشىلەر ساxنادا ونەر كورسەتتى.

سونىمەن قاتار ءبىرجان مەن سارا ايتىسىن «ايتىس» ونەرىن بويلارىنا سەرىك ەتكەن، سۇلۋجان تاۋبالدى – مۇحامەدجان مانسۋروۆ كەلىپ، حالىققا تارتۋ ەتتى.

ۇسىنعان: اسەل بولات قىزى