كەشە نۇر-سۇلتان قالاسىندا قازاقستان حالقى اسسامبلەياسىنىڭ XXVII سەسسياسى ءوتىپ، وعان ق ر تۇڭعىش پرەزيدەنتى نۇرسۇلتان نازاربايەۆ قاتىستى. وتىرىس بارىسىندا ەلباسى جاھاندىق قۇبىلىسقا اينالىپ كەلە جاتقان ىزگىلىك شارالارىن نىعايتۋدىڭ قاجەتتىلىكتەرىن اتاپ بەردى.

"الەۋمەتتىك بىرلىكتى نىعايتۋ ءۇشىن ىزگىلىك ينستيتۋتىن بارىنشا اۋقىمدى پايدالانۋ قاجەت. قازىرگى ۋاقىتتا اسسامبلەيا قامقورلىعىمەن 800-دەن استام قوعامدىق مەدياتور جۇمىس ىستەيدى. ولاردىڭ بەلسەندى ارالاسۋىنىڭ ارقاسىندا تەك وتكەن جىلدىڭ وزىندە 20 مىڭعا جۋىق مەدياسيالىق كەلىسىم جاسالدى. بۇل - داۋلار قانداي دا ءبىر ۋشىعۋعا جول بەرىلمەستەن ادامدار اراسىندا شەشىلدى"، - دەدى نۇرسۇلتان ءابىش ۇلى.

سونىمەن قاتار، ول تۇرمەنىڭ ادامدى جاقسىلىققا تاربيەلەمەيتىنىن، قازاقتىڭ تاريحىندا دالا زاڭى تۇرمە دەگەندى تۇتىنباعانىن ايتتى.

ەلباسىنىڭ ايتۋىنشا، ىزگىلىك، ياعني، مەديتاسيا ينستيتۋتى سوت جۇيەسىندە، ءبىلىم مەن عىلىم سالاسىندا، مەديسينادا ايتارلىقتاي دامىپ، كەلەلى ماسەلەلەردى شەشۋگە قاۋقارلى.

ۇسىنعان: ادىلەت مادەنيەت