ۋكراينانىڭ جاڭادان سايلانعان پرەزيدەنتى ۆلاديمير زەلەنسكييدىڭ قاۋىپسىزدىك جانە قورعانىس ىستەرى جونىندەگى كەڭەسشىسى يۆان اپارشين كييەۆتىڭ ەشكىم كۇتپەگەن جەرلەرگە سوققى جاساۋعا دايار ەكەنىن مالىمدەدى. بۇل تۋرالى Qamshy.kz اقپارات اگەنتتىگى ريا نوۆوستي پورتالىنا سىلتەمە جاساپ حابارلايدى.

كەڭەسشىنىڭ سوزىنە قۇلاق تۇرسەك، ۋكراينا ناتو ۇيىمىنا كىرەمىن دەگەنشە جان-جاقتاعى قاڭقۋ اڭگىمەلەر مەن قىسىمدارعا جاۋاپ قايتارىپ ۇلگەرەدى.

"ەگەر، سىزدەردىڭ اناۋ ميسىز باستارىڭىزعا قانداي دا ءبىر جوسپار كەلەتىن بولسا، ايتپادى دەمەڭدەر، مەن ونى تاۋىپ، جاۋاپ قايتاراتىن بولامىن. جانە مۇنى ەشكىم بىلمەيتىن جولمەن جاسايمىن"، - دەپ ەسكەرتتى اپارشين.

كەڭەسشى ءوزىنىڭ بۇل سوزدەرى ارقىلى ۋكراينانىڭ اسكەري كۇشتەرىنىڭ الەۋەتىنىڭ ارتقانىن جەتكىزبەك بولعانىن ايتتى. سونداي-اق، مەملەكەت ارمياسىن قارۋلاندىرۋ جانە قارجىلاندىرۋ جاعىنان دا جىلدام دامىپ كەلە جاتىر.

"دۇرىسى – ماعان ءتيىسۋشى بولماڭدار. ناتو-عا كىرۋ تۋرالى شەشىم قابىلداندى جانە ول تالقىلانبايدى"، - دەپ ءتۇيدى ءسوزىن اپارشين.

وتكەن اپتادا ساياساتكەر ۋكراينانىڭ جاڭا "اسكەري دوكتريناسىن" تانىستىرعان ەدى. ول جەردە ارميانىڭ اليانسقا مۇشە ەلدەردىڭ بارلىعىنا ورتاق تالاپتارعا ساي جابدىقتالىپ، الەۋەتىنىڭ ەداۋىر وسكەنىن حابارلاعان.

سونداي-اق، اپارشين ارميانى سوڭعى تەحنولوگيالارمەن جاسالعان قارۋمەن تولىق جاساقتاعىسى كەلەدى.

اۋدارعان: ادىلەت مادەنيەت