اقتوبە قالاسىندا سال اۋرۋىنا شالدىققان مۇگەدەك جاندارعا ارناپ كوتتەدج قالاشىعى سالىنۋى مۇمكىن دەپ حابارلايدى Qamshy.kz اقپارات اگەنتتىگى "اقتوبە" ارناسىنا سىلتەمە جاساپ.
بۇل تۋرالى ۇكىمەتتىك ەمەس ۇيىم وكىلدەرىنىڭ باس قوسۋىندا ايتىلدى. ءقازىر وڭىردە 26 مىڭعا جۋىق مۇگەدەك بار. سال اۋرۋىنا شالدىققان ازاماتتاردى قولداۋ ورتالىعىنا كۇنىنە 5-6 ادام كومەك سۇراپ كەلەدى. سوندىقتان ورتالىقپەن تىعىز بايلانىس ورناتقان 15 ۇكىمەتتىك ەمەس ۇيىمنىڭ جۇمىسىن جەتىلدىرۋ كوزدەلىپ وتىر. ياعني، مۇمكىندىگى شەكتەۋلى ازاماتتار وسىنداي ۇيىمداردىڭ دا كومەگىنە جۇگىنۋى ءتيىس.
ءبىر قۋانارلىعى، سوڭعى جىلدارى مەملەكەتتىك-جەكەمەنشىك ارىپتەستىك اياسىندا ۇلكەن جوبالار قولعا الىنعان. الدا مۇگەدەكتەرگە ارنالعان كوتتەدج قالاشىعىن سالۋ جوسپارى بار.ءبىزدىڭ جاڭالىقتار بارلىق جەردە قولجەتىمدى.
"2012-2018 جىلدارداعى جوسپار بويىنشا ءىس-شارالار جۇزەگە استى. ەندىگى جۇمىس جوباسى 2025 جىلعا دەيىن جۇزەگە اسادى. ياعني، بارلىق مۇگەدەك ازاماتتار - بەلگىلى ءبىر قوعامدىق بىرلەستىك مۇشەسى. مەملەكەتتىك تاراپىنان بەكىتىلەتىن جوسپارمەن تانىس بولۋى كەرەك تياناقتى تۇردە"، - دەيدى قالالىق سال اۋرۋىنا شالدىققان ازاماتتاردى قولداۋ ورتالىعى جەتەكشىسىنىڭ ورىنباسارى گۇلمەيرام سراجيەۆا.
مەسەناتتاردىڭ، قالتالى ازاماتتاردىڭ كومەگىمەن تۇرعىزۋ جوسپارلانعان كوتتەدج قالاشىعى اتالمىش دەرتكە شالدىققاندارعا قىزمەت كورسەتۋ ساپاسى مەن جىلدامدىعىن ارتتىرارى ءسوزسىز.
ۇسىنعان: ادىلەت مادەنيەت
