تانىمال اكتەر دجەكي چانعا سيرياداعى قازاقتاردى قۇتقارۋ بارىسى تۋرالى فيلم كورسەتىلدى دەپ حابارلايدى Qamshy.kz اقپارات اگەنتتىگى. ول تۋرالى پرەزيدەنتتىڭ كەڭەسشىسى ەرلان قارين ءوزىنىڭ Instagram الەۋمەتتىك جەلىسىندەگى پاراقشاسىندا ءبولىستى.
ەستەرىڭىزگە سالا كەتسەك، نۇرسۇلتان نازاربايەۆ پەكينگە جۇمىس ساپارى بارىسىندا الەمدىك جۇلدىز دجەكي چانمەن كەزدەسكەن بولاتىن.
«دجەكي چانمەن ونىڭ قازاقستاندا تۇسىرىلەتىن جاڭا ءفيلمىن تالقىلاۋ بارىسىندا، سيرياداعى قازاق بالالارىن قۇتقارۋعا ارنالعان ارنايى قىزمەتتىڭ وسى جىلدىڭ باسىندا جۇرگىزگەن «جۋسان» وپەراسياسى تۋرالى تۇسىرىلگەن ءفيلمىن قاراپ شىقتىق. بۇل جونىندەگى اقپارات پەن ءفيلمنىڭ ءوزى دجەكيگە ەرەكشە اسەر قالدىردى. ويتكەنى اتىس-شابىس جانرىنىڭ كەيىپكەرى بۇل جاعدايمەن جاقسى تانىس»، - دەپ جازدى ەرلان قارين.
