اقش-تىڭ ۆاشينگتون قالاسىنىڭ تۇرعىنى 64 جاستاعى كۇيەۋىنىڭ جوعالىپ كەتكەنى تۋرالى پوليسياعا شاعىمدانعان. ساياحاتتاپ كەتكەن ەر ادام بەلگىلەنگەن ۋاقىتتا ۇيىنە ورالماعان. توتەنشە جاعداي قىزمەتكەرلەرى مەن ەرىكتىلەر ورماندى ءبىر كۇن بويى كەزىپ، ەر ادامنىڭ ءمايىتى مەن ونىڭ ءيتىن تاۋىپ الدى.

جوعالىپ كەتكەن جيھانكەزدىڭ ايەلى بەكەر كۇدىكتەنبەپتى. ادەتتەگىداي ول ورمان شارلاپ كەتەدى دە، قايتا ورالمايدى. وسىدان كەيىن ورمانعا بىرنەشە ىزدەۋ وتريادتارى جىبەرىلىپ، شارالار ۇيىمداستىرىلدى. ساياحاتشىنىڭ كولىگىن تاۋىپ الۋ قيىنعا سوقپادى. جول جيەگىندە تۇرعان كولىكتىڭ ىشىنەن ەر ادامنىڭ جەتۋگە جوسپارلاعان نۇكتەلەرىنىڭ كارتاسى تابىلعان.

كارتادا كورسەتىلگەن ءاربىر ايماقتى مۇقيات تەكسەرۋ وتە كوپ ۋاقىتتى الدى. ءبىراق قۇتقارۋشىلاردىڭ ءبىرىنىڭ قۇلاعىنا الىستان ءيتتىڭ ۇرگەن داۋىسى تالىپ ەستىلەدى. يەسى دەيزي دەپ اتاعان ءيتتىڭ داۋىسىن بەتكە العان وترياد جارتى ساعاتتاي ۋاقىت وتكەندە وعان جەتەدى. اتالعان مەجەدە يت يەسىنىڭ جانىنان ءبىر تابان دا جىلجىماي كۇزەتىپ وتىرىپتى.

ءتىلسىز ماقۇلىقتىڭ وسىنشا ادالدىعى قۇتقارۋشىلاردىڭ دا، ەرىكتىلەردىڭ دە كوڭىلىن بوساتتى. ونىڭ ۇستىنە ساياحاتشى دۇنيەدەن ءوتىپ كەتكەن بولىپ شىقتى. ءمايىت كۇزەتكەن يت بولماسا، ونىڭ مۇردەسى دە تابۋ قيىنعا سوققانداي ەكەن.

زەرتتەۋلەر قورىتىندىسىندا ەر ادامنىڭ بيىكتىكتەن قۇلاپ، سودان العان جاراقاتتان قايتىس بولعانى ناقتىلاندى.

اۋدارعان: ادىلەت مادەنيەت