كەشە ۇلتتىق مەملەكەت قۇرۋ جونىندەگى ديسكۋسسيادا لاتۆيالىق ارىپتەسىمىز كاسپارس كۋكەليس ءسوز سويلەدى. قىسقاسى، قازاقتاردان ءتوزىمدى حالىق كورمەدىم دەيدى. مىسالى، وتكەندەگى "شوكولادنيسا" دەگەن كافەنىڭ توڭىرەگىندەگىدەي ايتىس باسقا ەلدە بولسا، سول تۇندە كافەنى جۇرتشىلىق تالقانداپ تاستار ەدى نەمەسە ونى جەرگىلىكتى بيلىك سوتپەن جاۋىپ تاستار ەدى دەيدى. سەبەبى باسقا مەملەكەتتە جەرگىلىكتى حالىق ءوز تىلىندە اقپارات الۋعا قۇقىقتى. بۇعان ەشكىم داۋ تۋعىزبايدى. پوليسيا بولسا كافەنى قورشاپ، ا
پاتتان، ورتتەن ساقتاۋعا ءماجبۇر بولار ەدى دەيدى ارىپتەسىمىز. ەل، ۇلت بولامىز دەسەك، الداعى ۋاقىتتا بىرنەشە زاڭ قابىلداۋىمىز كەرەك. باستىلارى - مەملەكەتتىك قازاق ءتىلى تۋرالى زاڭ؛ ەڭبەك تۋرالى زاڭناماعا قازاق ءتىلىن بىلۋگە ءتيىستى ماماندىقتار ءتىزىمىن ەنگىزەتىن جانە ءتىلدى مەڭگەرۋ ساتىلارىن انىقتايتىن وزگەرتۋلەر مەن تولىقتىرۋلار؛ تۇتىنۋشىلاردى قولداۋ جانە قورعاۋ تۋرالى زاڭنامانى ءاربىر حالىققا قىزمەت كورسەتۋ ۇيىمىن قازاق تىلىندە اقپارات بەرۋگە مىندەتتەيتىن تۇرعىدان كۇشەيتۋ؛ اكىمشىلىك جانە قىلمىستىق كودەكستەرگە مەملەكەتتىك ءتىلدى قورلاعانى، زاڭ تالاپتارىن ورىنداماعانى ءۇشىن كورسەتىلگەن جاۋاپكەرشىلىكتى كۇشەيتۋ باعىتىنداعى قوماقتى وزگەرىستەر.ايدوس سارىم، facebook
