«31 ارنا» ق ر اقپارات جانە قوعامدىق دامۋ مينيسترلىگىمەن بىرلەسە وتىرىپ، قازاقستان بويىنشا كوپبالالى وتباسىلاردى قولداۋ ماقساتىندا "اناشىم، ءبىز ۇيدەمىز" جوباسىن باستايدى. ميلليونداعان تەلەكورەرمەننىڭ كوز الدىندا قاراپايىم پاتەرلەر مەن ۇيلەر تولىق جاڭارىپ، كوپبالالى وتباسىلاردىڭ ءومىر ءسۇرۋى ءۇشىن بارىنشا ىڭعايلى باسپانالارعا اينالادى. 
پاتەر جانە جوندەۋ ماسەلەلەرى – قازىرگى تاڭدا ەڭ وزەكتى ماسەلەلەردىڭ ءبىرى، ال كوپبالالى وتباسىلار ءۇشىن اسىرەسە ماڭىزدى. ءبىراق، ادەتتە، ءوز تۇرعىن ءۇي جاعدايلارىن جاقسارتۋعا مۇنداي وتباسىلاردىڭ مۇمكىندىكتەرى جوق. "31 ارنا" ق ر اقپارات جانە قوعامدىق دامۋ مينيسترلىگىمەن بىرگە كوپبالالى وتباسىلارعا قادام جاساپ، ءاربىر وتباسى مۇشەسىنىڭ ءومىر ءسۇرۋ ەرەكشەلىكتەرىنە ساي، جايلى جانە زاماناۋي تۇرعىن ءۇي جايلى ارماندارىن ىسكە اسىرماق.
"كوپبالالى وتباسىنىڭ كۇندەلىكتى تۇرمىسىندا وزەكتى ماسەلەلەر جەتەرلىك. ولاردىڭ كوبى باسپانا ماسەلەسىنە قاتىستى. ءبىز "اناشىم، ءبىز ۇيدەمىز" جوباسى كوپبالالى وتباسىلاردىڭ ۇيلەرىندەگى ينتەرەردى جاڭارتىپ قانا قويماي، شاڭىراقتارىنا شاتتىق سىيلايدى دەپ سەنەمىز. ءاربىر سەريا – جەكە شىعارىلىم، ءبۇتىن ءبىر وتباسىنىڭ جەكە تاريحى"، – دەپ اتاپ ءوتتى "31 ارنانىڭ" باس ديرەكتورى يۋريي برودسكيي.
جوبانى دايىنداۋ 15 مامىردا باستالادى.
جوباعا قاتىسۋ ءۇشىن قاجەت:
- http://www.mamamydoma.kz/ سايتىنا ءوتۋ
- قاتىسۋشىنىڭ ساۋالناماسىن جۇكتەۋ
- ءوتىنىشىڭىزدى dom@31.kz ەلەكتروندىق پوشتاسىنا جىبەرۋ
نەمەسە +7 708 26 77 326 تەلەفون ءنومىرى ارقىلى جوبا كوورديناتورىمەن بايلانىسۋ قاجەت.
ال 11 تامىزدان باستاپ "31 ارنانىڭ" كورەرمەندەرى ءار وتباسىمەن" جەكە" تانىسىپ قانا قويماي، ولاردىڭ پاتەرلەرى مەن ۇيلەرىنىڭ بارىنشا كوركەيە ءتۇسىپ، قاتىسۋشىلارعا سىيلاعان قۋانىشىنا كۋا بولادى.
ب ا ق وكىلدەرى ءۇشىن بايلانىس:
31 ارنانىڭ اتقارۋشى پروديۋسەرى – اننا گۋلييەۆا
+7 777 779 1798
