"گولوس. دەتي" مۋزىكالىق جوباسىنىڭ ءفيناليسى ەرجان ماكسيم تالىمگەرى ۆالەريي مەلادزەمەن بىرىگىپ دۋەت ورىندادى، دەپ جازادى Qamshy.kz اقپارات اگەنتتىگى Instagram پاراقشاسىندا جاريالانعان بەينەجازبالارعا سىلتەمە جاساپ.
"سەرا" تۋىندىسى مەلادزەنىڭ نۇر-سۇلتان قالاسىندا وتكەن كونسەرتىندە شىرقالدى. زالدا وتىرعان تىڭدارماندار جاس ءانشى ەرجان ماكسيمدى زور قوشەمەتپەن قارسى العان.
ەستەرىڭىزگە سالا كەتسەك، ەرجان ماكسيم بۇل ءاندى ۆالەريي مەلادزەمەن جانە جوباعا قاتىسۋشىلار - ميحايل گريگوريان، اناستاسيا سيساۋريمەن بىرگە ءفيناليستى انىقتاۋ كەزەڭىندە شىرقاعان. وسى اننەن كەيىن ءۇش ءانشىنىڭ ىشىنەن مەلادزە ەرجان ماكسيمدى تاڭداعان بولاتىن.
سونىمەن قاتار، كونسەرتتە ورىندالعان ءان باتىرحان شۇكەنوۆتىڭ قۇرمەتىنە ارنالدى.
وقي وتىرىڭىز:
♦"ونىڭ جاسى 10-دا": ەرجان ماكسيم كىمدى جاقسى كورەتىنىن ايتتى
♦ەرجان ماكسيم نۇر-سۇلتان قالاسىندا العاشقى كونسەرتىن بەرەدى
ۇسىنعان: مارجان سابەت
