كۇنشىعىس ەلىندە قىز بالا جەتiگە كەلگەندە ارنايى تiگiلگەن كيمونو كيەدi دە، بەلi تۇڭعىش رەت وبيمەن (كيمونونىڭ جالپاق بەلدiگi) تاڭىلادى. بالالارعا ارنالعان ءداستۇرلi عۇرىپتىق شارالاردىڭ قاتارىندا ناۋرىزدىڭ ءۇشi كۇنiنە بەلگiلەنگەن قىز بالالارعا ارنالعان حيناماسۋري مەن مامىردىڭ بەسiندەگi ەر بالالار مەرەكەسi بار. ءۇشiنشi ايدىڭ ءۇشiنشi جۇلدىزىندا جاپوندار ءبۇلدiرشiن قىزداردىڭ ادەمi بوپ ءوسۋiن، بولاشاقتا باقىتتى بولۋىن تiلەيدi. دiني ماڭىزى بار وسى  مومونو سەككۋ، ياكي حيناماسۋري كۇنiنە ارناپ قىز ءوسiرiپ وتىرعان ءار وتباسى ۇيدەگi ارنايى ورىنعا ناۋرىز تۋعانعا دەيiن ەجەلگi حانزادالار مەن حانشايىمدار، سامۋرايلار، ت.ب. ۇلگiسiندەگi ۇلتتىق قۋىرشاقتاردى قويۋ كەرەك. قۋىرشاقتاردىڭ ورنالاسۋ رەتiنiڭ دە ءمانi بار. جەتi ساتىدان تۇراتىن «قۋىرشاقتار ورداسىنىڭ» ەڭ جوعارعى جاعىندا «اتا  قۋىرشاق» پەن «انا قۋىرشاق» ورنالاسادى. ال ەڭ تومەنگi ەكi ساتىعا قىز بالانى قىزىقتىراتىن اينا، شاي دەمدەۋ ءراسiمiنiڭ قۇرالدارى، ينە شانىشقىش، ت.ب. قويىلادى. جالپى حيناماسۋري عانا ەمەس، جاپوننىڭ بارلىق ۇلتتىق مەرەكەلەرiنەن ەۋروپالىق نەمەسە باسقا شەت ەلدەن شىققان زاتتى كورمەيسiز. حيناماسۋري قۋىرشاقتارىنىڭ كەسكiن كەلبەتi مەن كيiمi، ساقال-مۇرتى مەن شاش ۇلگiسiنە دەيiن  جاپوندىق ەكەنiن ايشىقتاپ  تۇرادى. حيناماسۋري كۇنi وتكەن سوڭ قۋىرشاقتاردى جيناپ تىعىپ قويادى دا  كەلەسi جىلى ناۋرىز تۋاردا قايتا شىعارادى. قۋىرشاقتار ورداسى بەزەندiرiلگەن كۇيi ناۋرىزدىڭ ءۇشiنەن كەيiن دە تۇرا بەرەتiن بولسا سول ءۇيدiڭ قىزى وسكەندە وتىرىپ قالادى دەگەن ىرىم بار. ياعني، قۋىرشاقتار ناۋرىزدىڭ ءۇشiنە دەيiن عانا تۇرۋ كەرەك. ودان كەيiن نەعۇرلىم ۇزاعىراق جينالماي تۇرسا قىزدىڭ بولاشاقتا تەڭiن تابۋى سوعۇرلىم كەشەۋiلدەيدi دەپ ويلايدى جاپوندار.   مۋشيانينگيوۋ — باتىر قۋىرشاق. ەر بالالارعا ارنالعان بەسiنشi ايدىڭ بەسiنشi جۇلدىزىندا اتاپ ءوتiلەتiن عۇرىپتىق مەرەكە وسىنداي اتقا يە. بۇل كۇنى ۇل تاربيەلەپ وتىرعان جاپوندار بالاسى بولاشاقتا سامۋرايداي ەرجۇرەك بولۋى ءۇشiن  راسىمدىك عۇرىپتارعا قاتىسادى.   شارافات جىلقىبايەۆا