21 ءساۋىر كۇنى ەلىمىزدىڭ وڭتۇستىك استاناسى – الماتى شاھارىندا ءداستۇرلى «الماتى مارافونى» ءوتتى دەپ حابارلايدى Qamshy.kz اقپارات اگەنتتىگى. 

ۇيىمداستىرۋشىلاردىڭ ەسەبى بويىنشا، مارافونعا 17 مىڭعا جۋىق ادام قاتىسقان. مارافونننىڭ نەگىزگى ماقساتى باستاما قولعا الىنعان العاشقى جىلداردان باستاپ جيىلعان قاراجاتتى قايىرىمدىلىق ماقساتتارعا، سپورت الاڭدارىن سالۋعا، ينتەرناتتارعا، حوسپيستەرگە ارنايى جانە سپورتتىق تەحنيكانى ساتىپ الۋ جانە ت.ب. جۇيەلى جۇمىستاردى جۇزەگە اسىرۋدى كوزدەيدى.

بۇل ماقساتتارعا قول جەتكىزۋ مارافونعا قاتىسۋشىلاردىڭ جارناسى ارقىلى جۇزەگە اسادى. ەرەجە بويىنشا قاتىسۋشىلار جاس ەرەكشەلىگىنە بايلانىستى ءتۇرلى قاشىقتىققا ءبولىنىپ، سايىسقا ءتۇستى.

قاتىسۋشىلار التى دەڭگەي بويىنشا ب ا ق سىنادى. اتاپ ايتساق، ءداستۇرلى مارافون (42 كم 195 م) 18 جاستان اسقان قاتىسۋشىلار ءۇشىن؛ 18 جاستان اسقان قاتىسۋشىلار ءۇشىن جارتى مارافون (21 كم 97،5 م)؛ 15 جاستان اسقان قاتىسۋشىلار ءۇشىن سپۋتنيكتىك جارىس (10 كم)؛ 15 جاستان اسقان قاتىسۋشىلارعا ارنالعان جاياۋ ءجۇرۋ (10 كم)؛ 10 جاستان 14 جاسقا دەيىنگى بالالارعا (3 كم)؛ 16 جاستان اسقان التى ادامدىق كوماندالارى ءۇشىن Ekiden كورپوراتيۆتىك ەستافەتاسى (42 كم 195 م) ۇيىمداستىرىلدى.

جارىس قورىتىندىسىندا، 42 كم-گە دەيىن 195 مەتر قاشىقتىقتى 2 ساعات 28 مينۋتتا باعىندىرعان وزبەكستاننان كەلگەن قاتىسۋشى زيكريللو ماماتكۋلوۆ مارافون رەكوردىن ورناتىپ، چەمپيوندىق اتاققا لايىق دەپ تانىلدى. سونىمەن بىرگەن، وسكەمەن قالاسىنىڭ تۇرعىنى مەن كورشىلەس رەسەي ەلىنەن كەلگەن قاتىسۋشى دا جەڭىس تۇعىرىنان كورىندى. جارىستىڭ بيىلعى جۇلدە قورى 2 940 000 تەڭگە.

ايتا كەتەيىك، 2013 جىلدان باستاپ «الماتى مارافونى» AIMS حالىقارالىق اسسوسياسياسىنىڭ قۇرامىنا ەنگەن. سونداي-اق، الماتى مارافونىنىڭ تراسسالارى AIMS جانە IAAF ەرەجەلەرى بويىنشا سەرتيفيكاتتالعان جانە «B» ساناتىنا يە.