عالامتور ارقىلى ميلليونەرگە اينالۋعا بولادى. وندايلارعا مىسالدى كوپتەپ تابۋعا دا دايىنبىز. ءبىراق ولاردىڭ اراسىندا قاراكوزدەردىڭ بولعانىن قالايتىنىمىز تاعى بار.بىرەۋ عالامتوردا كوپ وتىرىپ ءوز ۋاقىتىن وتكىزىپ السا ، بىرەۋلەرى عالامتوردى بيزنەسكە اينالدىرعان. ءتىپتى سول بيزنەستەرىن العا جىلجىتىپ ميلليونەر جانە  ميللياردەر اتالىنىپ جاتقاندارى قانشاما. مارك سۋكەبەرگ، پاۆەل دۋروۆ بۇل ەسىمدەر سىزدەرگە تانىس بولار.  الايدا بۇلاردان دا باسقا ادامدار عالامتور ارقىلى ءوز بيزنەسىن جۇرگىزىپ جۇرگەندەر دە بار.

سونىڭ بىرنەشەۋىن سىزدەرگە ۇسىنامىن.

1) ەشلي كۋول  25 جاستا

2004 جىلى 14 جاسىندا «whateverlife»  سايتىن قۇرادى. ول سايتقا ءوزىنىڭ جاساعان گرافيكالىق  جۇمىستارىن سالا باستايدى. الايدا ەشلي سايتىن كوممەرسيالىق ماقساتتا اشپاعان. جاي گرافيكامەن جۇمىس جاساۋعا قىزىققاندىقتان اشقان ەكەن.  ونىڭ گرافيكامەن جاساعان جۇمىسى ءجاسوسپىرىم قىزدار اراسىندا قىزىعۋشىلىق  تۋدىرعان.  سايتى دا ازداپ تانىمال بولا باستايدى. كەيىننەن ەشلي سايتتاعى جارنامانىڭ ماڭىزىن ءتۇسىنىپ جارناما ارقىلى اقشا تابا باستايدى. ول جارناما جاساۋدان ەڭ العاش $2700، سوسىن $5000، سوسىن  $10000 اقشا تابادى. 3 جىل وتكەن  سوڭ ياعني 2007 جىلى ەشلي ءوزىنىڭ العاشقى ميللونىنا قول جەتكىزەدى.  الايدا ءبىر نارسەگە جەتۋ ءۇشىن ەكىنشى ءبىر نارسەنى قۇرباندىق ەتۋ كەرەك قوي. ە. كۋولس قۇرباندىققا مەكتەبىن شالدى. ول ءوزىنىڭ بيزنەسىن بەلسەندى تۇردە جاقسى جۇرگىزۋ ءۇشىن مەكتەپتى تاستاۋىنا تۋرا كەلگەن.

ماماندار ەشليدىڭ اي سايىنعى تابىسى 70 000 دوللار دەپ ەسەپتەدى. ونىڭ تابىسىنىڭ كوپ بولىگىن Google Adsense – دەگى جارنامالار قۇرايدى. قازىرگى ۋاقىتتا ەشلي الەمدەگى ەڭ جاس ميلليونەرلەر قاتارىنا جاتادى.

2) ديەۆيد جانە كاتەرينا كۋك  -  24- 25 جاستا

اعالى - قارىنداستى ديەۆيد پەن كاتەرينا كۋك  2005 جىلى MyYearBook.com  الەۋمەتتىك سەرۆيسىن قۇرادى. ول كەزدە ولار امەريكاداعى مەكتەپتەردىڭ بىرىندە جوعارى سىنىپتا وقيتىن 15 پەن 16 جاستاعى وقۋشىلار بولاتىن.  باسىندا  وسى سەرۆيستى قولدانۋشىلار اراسىندا عانا  تانىمال بولا  باستادى. كەيىننەن  ينۆەستورلار اقشا سالعاننان كەيىن  سەرۆيستە چات قىزمەتى، فلەش-ويىندار،  ءوزىنىڭ ۆيرتۋالدى اقشاسى پايدا بولدى.  ارينە، myyearbook ، م. سۋكەربەرگتىڭ Facebook- گىن جەڭە المادى.  الايدا جارناما ارقىلى اقشا تاباتىن، ويىننىڭ  ىشىندە ۆيرتۋالدى اقشاسى بولاتىن، اقشا تولەپ جازىلاتىن  الەۋمەتتىك سەرۆيس رەتىندە  myyearbook   قۇراما شتاتتاردا 3-ورىنعا يە   بولدى.

2009 جىلعى تابىسى $20 ميلليون بولدى.  ءبىراق 2011 جىلى  Quepasa الەۋمەتتىك جەلىسى $100 ميلليونعا  ساتىپ الادى.

3) ديەۆيد كارپ (tumblr.com) – 29 جاستا

1986جىلى 6 شىلدەدە تۋىلعان.

قازىرگى ۋاقىتتاعى ەڭ تانىمال بلوگتۇعىرناما tumblr - نەگىزىن قالاۋشى.  نيۋ-يوركتاعى  مانحەتتەندە تۋىپ وسكەن.  14 جاسىندا تەلەپروديۋسەر ءارى  انيماتور فرەنك سەيبەرتتىڭ قول استىندا تاعىلىمدامادان(ستاجيروۆكادان ) وتەدى. تاعىلىمدامادان وتكەن سوڭ UrbanBaby جاس وتباسىلارعا ارنالعان عالامتور- جوباسىندا جۇمىس ىستەيدى. 2006 جىلى  ديەۆيد ءوزىنىڭ ىستەپ جۇرگەن جۇمىسىن تاستاپ، جەكە ءوزىڭىڭ ميكروبلوگتارعا ارنالاعان پلاتفورماسىن قۇرادى.  ارادا  3  جىل وتكەن سوڭ  ياعني 2009 جىلى  تامىزدا BusinessWeek جۋرنالى ونى  IT سالاسىنداعى ۇزدىك  جاس كاسىپكەر دەپ اتادى.  بولگ تۇعىرنامانىڭ تانىمال بولعانى سونشا  2011 جىلى  قازاندا  ءتىپتى اقش پرەزيدەنتى  باراك وبامانىڭ  ءوزى tumblr   - دان  ءوز  بلوگىن اشتى.

4) پاتريك كولليسون جانە دجون كولليسون 26-24 جاس   

 پاتريك كولليسون جانە دجون كولليسون  اعايىندى باعدارلامالاشىلار. (پروگراممالاۋشىلار). Stripe  سەرۆيسىن ويلاپ تاپقان. بۇل سەرۆيس نەگىزىنەن ۇيالى تەلەفوننان عالامتور ارقىلى تولەم جاساۋعا ارنالعان بولاتىن.  بىلاي قاراعاندا قاراپايىم بولىپ كورىنگەنىمەن اعايىندىلاردىڭ قۇرعان كومپونياسى 4 جىل ىشىندە $120 ميلليون  ينۆەستيسيا  تارتقان.  ال ساراپشىلار ونى $1،75 ملرد  باعالاعان.

5) ادام حيلدرەد( dubit.co.uk) – 30 جاس

1985 ج  25 ناۋرىزدا تۋىلعان.

نەبارى 14 جاسىندا 1999 جىلى  جاڭا الەۋمەتتىك جەلىنى ىسكە قوسادى.  ونىڭ قۇرعان Dubit limited جوباسى 1999 جىلى گيننەس رەكوردتار كىتابىنا ەڭ  جاس كاسىپكەرلەر قۇرعان جوبا رەتىندە ەنەدى.  Coca – Cola سياقتى الپاۋىت كومپونيالار جەلى قولدانۋشىلارىن ماقساتتى توپ  رەتىندە پايدالانىپ، جاستارعا ارنالعان ماركەتينگتىك  ستراتەگيا جاسايدى. ادام 4 جىل بويى  Dubit limited اگەنتتىگىنىڭ باسقارۋشى ديرەكتورى بولادى.  ال 19 جاسقا شىققاندا ول ۇلىبريتانياداعى ەڭ باي 20 جاس كاسىپكەردىڭ اراسىنا كىرەدى.  ول كەزدەگى ونىڭ داۋلەتى 2 ميللليون فۋنتقا تاياۋ بولادى.  ساراپشىلار پىكىرىنشە 2020 جىلعا قاراي ادام حيلدرەتتىڭ بايلىعى 40 ميلليون فۋنت بولادى دەپ بولجاۋدا.

6) بلەيك اارون  روسس (Mozilla Firefox )- 30 جاستا

1985 جىلى 12 ماۋسىمدا فلوريدا شتاتىنىڭ مايامي قالاسىندا تۋىلعان.  جاستايىنان تەحنولوگياعا قىزىققان. ءتىپتى  نەبارى 10 جاسىندا روسس ءوزىنىڭ ەڭ العاشقى  سايتىن جاساعان.  15 جاسىندا Netscape كومپونياسىندا  جۇمىس ىستەپ، سوندا دەيۆ حيەۆيتتپەن تانىسادى.  دەيۆ حيەۆيتتپەن بىرگە 2004 جىلى Mozilla Firefox براۋزەرىن  قۇردى. براۋزەر عالامتور  قولدانۋشىلار اراسىندا تەز تانىلا باستادى. براۋزەر  1 ايدىڭ ىشىندە 100 ميلليون رەت جۇكتەلىنگەن.  ال سول  كەزدە روسستىڭ جاسى بار بولعانى 19 جاستا ەدى.

2005 جىلى  Wired  جۋرنالى  بلەيك  روسستى  Rave Award  جۇلدەسىمەن ماراپتتايدى.

بۇگىندە بلەيك  روسس   Mozilla Foundation- دا  جانە تاعى باسقا باعدارالامالارمەن جۇمىس جاسايدى.

ال Mozilla Firefox -  الەمدەگى تانىمال تەگىن  براۋزەردىڭ ءبىرى.

7) ەۆان شپيگەل -25 بوببي مەرفي-27 جاستا

ەۆان شپيگەل اۋقاتتى وتباسىدان شىققان. ءبىراق اتا- اناسى ۇيلەنگەندەرىنە  20 جىل تولعاندا   اجىراسىپ كەتەدى.  بۇل ەۆانعا اۋىر تيەدى. سول كەزدە ەۆان Red Bull – دا تەگىن تاعىلىمدامادان  وتەدى. تاعىلىمدامادا ول ماركەتينگ سالاسىندا  قالاي جۇمىس ىستەۋ كەرەك ەكەندىگىن تۇسىنەدى. ەۆان ستەنفورد – تا وقىپ جۇرگەندە بوببي مەرفيمەن تانىسىپ،  ەكەۋى بىرگە FutureFreshman.com  سايتىن قۇرادى.سايت تالاپكەرلەرگە  جوعارى وقۋ ورىنىن تاڭداۋ كەزىندە كومەكتەسەتىن قۇرال  بولادى. الايدا بۇل سايتتى تەك اتا- انالار مەن تالاپكەرلەر عانا قولداناتىندىقتان ەۆان مەن بوببي باسقا باعدارلاما ويلاپ تابۋ كەرەك ەكەندىگىن ۇعادى. ءسويتىپ ولار Snapchat- تى جاسايدى. ولارعا Snapchat تى جاساۋعا رەدجي براۋن كومەكتەسەدى.  Snapchat- فوتوگرافيالار مەن بەينەروليكتەردى جونەلتەتىن الەۋمەتتىك جەلى. بۇل اسىرەسە امەريكاندىق جاستار اراسىندا وتە تانىمال.  Snapchat الەۋمەتتىك جەلىسىنە م. سۋكەبەرگ قىزۋشىلىق تانىتىپ ەۆان مەن بوببيگە $3 ملرد ساتۋعا ۇسىنىس جاسايدى.. الايدا ولار باس تارتتى.  كومپونيا جۇمىس ىستەگەلى $120 ملن- نان استام ينۆەستيسيا تارتىلعان.  قازىرگى ۋاقىتتا Snapchat جاقسى قارقىنمەن دامىپ كەلە  جاتىر.

8) پالمەر لاكي(Oculus Rift  ) -  22 جاستا

1992 ج 19 قىركۇيەكتە تۋىلعان.  كاليفورنيا شتاتىندا لونگ-بينگ قالاسىندا تۋىپ وسكەن.   لاكي ءجاسوسپىرىم كەزىندە سۋرەتتەردىڭ ساپاسىنا كوڭىلى تولمايتىن. سەبەبى ول ۆيرتۋالدى اقيقات رەتىندە سەزىنگىسى كەلەتىن.  ونىڭ وسى كوڭىلى تولماۋشىلىق ءوزىنىڭ قالاعانداي تۇردە سۋرەت جاساۋىنا اكەپ سوقتىرادى.  ول 18 جاسىندا ەڭ العاش اكەسىنىڭ گاراجىندا ءوزىنىڭ العاشقى ءپروتوتيپىن جاسايدى. ونى ول  CR1 دەپ اتايدى.  ول ارينە بىردەن كەرەمەت بولىپ كەتپەيدى. سوسىن لاكي تاعى دا جۇمىس جاساۋ ناتيجەسىندە CR1 –گە 3D  فۋنكسياسىن قوسادى.

كەيىننەن لاكي  ءوزىنىڭ جاساعان جۇمىسىنا 3D  فۋنكسياسىن قوسىپ ءوز ويىن Oculus Rift ارقىلى جۇزەگە اسىرادى. Oculus Rift شلەمى ارقىلى ادامنىڭ ۆيرتۋالدى ءومىردى اقيقات ءومىر رەتىندە ەلەستەتۋگە جول اشادى.  ءتىپتى وسىنداي شلەممەن كومپيۋتەرلىك ويىن كەزىندە  ۇيلەردىڭ توبەسىنەن  سەكىرۋ دە  كادىمگىدەي قورقىنىشتى بولادى.

Oculus Rift ستارتاپىنا $93،4 ملن ينۆەستيسيا تارتىلعان.

قازىرگى ۋاقىتتا  Oculus Rift  م. سۋكەبەرگتىڭ مەنشىگىندە. سەبەبى ول 2014 جىلى ناۋرىز ايىندا پ. لاكيدان $2،4 ملرد ساتىپ العان بولاتىن.

9) نيك د' الويزيو – 20 جاستا.

 نيك د' الويزيو -   اۋقاتتى وتباسىدان شىققان.  اكەسى -  بانكير، اناسى- زاڭگەر.  الايدا اتا- اناسى بالالارىن جاستايىنان  باي اداممەن  كەدەي ادامنىڭ قالاي ءومىر سۇرەتىنىن قۇلاعىنا قۇيىپ وسىرەدى. سونىمەن قاتار بالاسىنا دوستارى  سياقتى بوس ۋاقىتتى كوڭىل- كوتەرۋگە ەمەس، پايدالى نارسەگە جۇمساۋ كەرەك ەكەندىگىن ەسىنە سالىپ وتىراتىن بولعان.  اتا- انانىڭ بەرگەن تاربيەسى نيكتىڭ ومىرىنە ەلەۋلى اسەر ەتەدى. ول جاستايىنان تەحنيكاعا قىزىعىپ ،  باعدارلامالاۋ تىلدەرىن ءوز بەتىنشە وقي باستايدى.  نيك  IPHONE-  عا  ارناپ باعدارلاما جاساۋ ارقىلى  اقشا تابا الاتىنىن ءتۇسىندى.ول  Apple –ءدىڭ باعدارلاماسىنىڭ كومپلەكتىن جۇكتەيدى. ال ونىڭ ءتىلىن ءتۇسىنۋ ءۇشىن Amazon.com  سايتىن پايدالانىپ ءوز بەتىنشە ءبىلىمىن تولىقتىرادى.  ءبىراز ۋاقىتتان كەيىن ول SoundStumblr  مۋزىكالىق باعدارلاماسىن جاسايدى. بۇل باعدارلاما ارقىلى مۋزىكانى Bluetooth  ارقىلى جاقىن جەردەن ەستىپ جۇرە الاتىن مۇمكىندىك الادى.  سونىمەن قاتار  نيك 2011 ج ءوزىنىڭ بلوگىنا جاڭا باعدارلامانى جاساعانىن  جازادى.  بۇل باعدارلاما ارقىلى عالامتور بەتىندەگى كەز كەلگەن ماتەريالدى مازمۇنى بويىنشا وسى زامان وقىرمان تالاپتارىنا ساي  وتە قىسقا ءماتىن  گەنەراسيالايتىن الگوريتم ويلاپ   تاپقان.  وسى الگوريتيم نەگىزىندە  15 جاسار نيك JOS – قا ارناپ قوسىمشا جازىپ ونى  Summly  دەپ اتايدى.  2 جىلدان كەيىن  Yahoo كورپوراسياسىنا $30 ملن- عا ساتادى.

10) دجۋلەتت برينداك ( missوandfriends.com)

دجۋلەتت  - ۆاشينگتون ۋنيۆەرسيتەتىنىڭ  ستۋدەنتى. 8-13 جاس ارالىعىنداعى قىزدارعا ارنالعان miss و and friends.com سايتىنىڭ باس ديرەكتورى.   سايتتا ۆيرتۋالدى ويىندار، تەستتەر، چات قىزمەتى جانە ميس و  كەيىپكەرى بار.  بۇل سايت قىزدارعا ارنالعان  رەسۋرستاردىڭ  رەيتينگىسىندە 3-ورىندا تۇر.

دجۋلەتت ءوزىنىڭ قيالىنداعى ميسس و كەيىپكەرىنىڭ سۋرەتىن  10 جاسىندا سالعان.  ءبىراز ۋاقىتتان  ول كەيىپەرىنىڭ تەك وزىنە عانا ەمەس،  قۇربىلارىنا، ءتىپتى باسقا قىزدارعا دا ۇنايتىنىن تۇسىنەدى.  ول دوستارى ءۇشىن ينتپەرنەتتە  ميسس و دەگەن ارنايى توپ قۇرادى.  كەيىننەن miss و and friends.com سايتىن اشادى.  قازىرگى ۋاقىتتا بۇل رەسۋرسقا كۇنىنە ميلليونداعان ادام كىرەدى. دجۋلەتتىڭ ميسس و بيزنەسى  15 ميلليون دوللارعا  باعالانعان.

قانيا تابىس