وقيعا ورنىنا جەدەل جەتكەن قۇتقارۋ قىزمەتىنىڭ سۇڭگۋىرلەرى كول تۇبىنەن ورتا جاستاعى ەر ازاماتتىڭ دەنەسىن الىپ شىققان. وقيعا كۋاگەرلەرىنىڭ ايتۋىنشا، ءمايىتتى ىزدەۋ جۇمىستارى بىرنەشە ساعاتقا سوزىلعان.

وقيعا 26 ماۋسىم كۇنى كەشكى ۋاقىتتا، سايران كولىنىڭ توبە بي كوشەسى بويىنداعى باقىلاۋ مۇناراسى ماڭىندا بولعان. ىزدەۋ جۇمىستارى بىرنەشە ساعاتتارعا سوزىلعاندىقتان، سۋعا باتىپ كەتكەن ازامات  جان تاپسىرعان. ال وقيعا كەزىندە مارقۇمنىڭ جانىندا تۋىستارى بولماعان.

الماتى قالالىق توتەنشە جاعدايلار دەپارتامەنتى وكىلدەرى مارقۇمنىڭ جەكە تۇلعاسىن انىقتاعان. ول: ءجۇمادىلوۆ. گ. 1972 ج.

26-ماۋسىم كۇنى كەشكى 18:30 شاماسىندا الماتى قالالىق تجد-عا قوڭىراۋ تۇسەدى. وقيعا ورنىنا جەدەل جەتكەن قۇتقارۋشىلار مەن سۇڭگۋىرلەر توبى كەشكى 20:50 شاماسىندا ءمايىتتى سۋدان الىپ شىققان. كەيىن انىقتالعانداي، ءمايىت جاعادان 90 مەتر قاشىقتىققا اعىپ كەتكەن.