الماتى قالاسى ماتروسوۆ كوشەسىندە ورنالاسقان جەكە سەكتورداعى ۇيلەردىڭ بىرىنەن ءورت شىقتى دەپ حابارلايلى «قامشى» پورتالى ءىىب باسپا ءسوز قىزمەتىنە سىلتەمەي جاساي وتىرىپ.

ءورتتى ءبىرىنشى بولىپ اتالمىش  اۋداندا كەزەكشىلىكتە جۇرگەن اكىمشىلىك پوليسيا باسقارماسىنىڭ مامانداندىرىلعان باتالونىنىڭ ەكيپاجدارى بايقاعان. وقيعا ورنىنا جەدەل جەتكەن پوليسەيلەر، اۋەلى ورتەنىپ جاتقان ءۇيدىڭ كورشىلەرىن شاقىرىپ، كەيىن بۋداقتاپ جاتقان ءورتتىڭ اراسىنا كىرىپ، ءۇيدىڭ تۇپكى بولمەسىندە ەش قاۋقارسىز قالعان مارينا مەن ءۆيتالييدى سىرتقا الىپ شىققان.

«ولار ءبىرىنشى بولىپ كەلدى. ۇستىلەرىنە سۋدى قۇيدى دا، قالىڭ ءورتتىڭ اراسىنا لاپ قويدى. بىرنەشە مينۋتتىڭ ىشىندە، ورتكە ورانعان ۇيدەگى ادامدار سىرتقا شىعارىلا باستادى. ەگەر پوليسەيلەر بولماعاندا ادامدار تىرىدەي ورتەنىپ كەتەر ەدى. سەبەبى، ءبىزدىڭ ەشبىرىمىز ورتەنىپ جاتقان ۇيگە كىرۋگە باتىلىمىز جەتپەيتىن ەدى. بۇل راس»، دەيدى كورشىلەر.

«وقيعا ورنىنا جەتكەننەن كەيىن ءبىز جەدەل ىسكە كىرىسىپ كەتتىك. ويتكەنى ويلانىپ وتىراتىن ۋاقىت جوق ەدى. سىرتتا اجەي جىلاپ، ءۇيدىڭ ىشىندە ادامدار قالعانىن ايتتى. ءبىز ارىپتەسىم ەكەۋمىز ورتەنىپ جاتقان ءۇيدىڭ ىشىنە كىرىپ، ادامداردى سىرتقا الىپ شىقتىق. ال تاعى ءتىر ارىپتەسىمىز سىرتتا قالىپ، ءورت ماڭايىنا ادامدادى جاقىنداتپاي تۇردى. ءبىز ول جەردە ءوزىمىزدىڭ باسىمىزعا تونگەن قاتەر تۋرالى مۇلدە ويلامادىق. سەبەبى، قالىڭ ءورتتىڭ اراسىندا، ەش دارمەنسىز قالعان ادامداردىڭ ءومىرى ماڭىزدى ەدى. قۇدايعا شۇكىر، ءبىرى امان قالدى. ءقاۋىپ ارتتا قالدى. ورتتەن زارداپ شەككەندەرگە العاشقى مەديسينالىق كومەك كورسەتىلدى»،-دەيدى الماتى قالالىق ءىىد-نىڭ اكىمشىلىك پوليسيا باسقارماسى، مامانداندىرىلعان باتالونىنىڭ اعا ينسپەكتورى ەلدوس دوسانوۆ.

كەيىن انىقتالعانداي، اتالمىش كوشە بويىندا بىر-بىرىنە جاقىن ورنالاسقان ءۇش بىردەي ءۇي تۇگەلدەي ورتكە ورانىپ كەتكەن. وقيعا ورنىندا وپەراتيۆتى جۇمىس جۇرگىزگەن ءورت سوندىرۋشىلەر ءتىلسىز جاۋدى 1،5 ساعاتتا اۋىزدىقتاعان. ءورتتىڭ شىعۋ سەبەپتەرى انىقتالۋدا.