ادەتتە كوپ ءۇن قاتپايتىن كارىم ءماسىموۆ تەرروريزم مەن ەكسترەميزمنىڭ وشاعى Facebookتەن باستالىپ، WhatsAppقا دەيىنگى الەۋمەتتىك جەلىدە ءورىس الادى دەگەندەي ماعىنادا مالىمدەمە جاساپ، الاڭداۋشىلىق بىلدىرگەن ەكەن. Tengrinews.kz اگەنتتىگى وعان قاتتى ءمان بەرىپ وتىرعانعا ۇقسايدى. پرەمەر-مينيستر قازاق تىلىنە شورقاق ءارى بۇل جەلىلەردىڭ ورىس تىلىندەگى نۇسقاسىن عانا وقيتىندىعىن ەسكەرسەك، ءماسىموۆتىڭ سوزىمەن تولىقتاي كەلىسۋگە بولادى. كەلىسە وتىرىپ، قازاقستاننىڭ الەۋمەتتىك جەلىلەرىندە ورىسشا ءماتىن جازىپ تاراتۋعا قاتاڭ تىيىم سالاتىن قاۋلى قابىلداپ تاستاسا ءتىپتى قاتىپ كەتەر ەدى. راسىندا، ۇلتقا ءقاۋىپ توندىرەتىن، ەلدىڭ تاۋەلسىزدىگىنە قاتەرلى ءتۇرلى ناسيحات وزگە تىلدە ءارى شەتەلدەر تاراپىنان جۇرىلەتىندىگىن ەسكەرسەك، ەڭ دۇرىس قادام وسى بولماي ما؟