اتىراۋ تاعى جاڭا اۆتوبۋستارمەن تولىقتى. اتىراۋدا 30 جاڭا جايلى قوعامدىق كولىكتەر قالا ىشىندە قاتىناۋدا. “14” جانە “7” باعىتتارى بويىنشا جاڭا قوعامدىق كولىكتەر جولعا شىقتى دەپ حابارلايدى Qamshy.kz اقپارات اگەنتتىگى اتىراۋ قالاسى اكىمدىگىنىڭ باسپا ءسوز حاتشىسىنا سىلتەمە جاساپ.

جاڭادان قۇرىلعان “Akzhayk Avtopark” اۆتوپاركى العاشقى قوعامدىق كولىكپەن تولىقتى. “انكاي” ماركالى 30 جاڭا جايلى اۆتوبۋس اتىراۋدىڭ قالالىق جەلىلەرىنە شىقتى. 1 شىلدەدەن باستاپ ولار “14” جانە “7” باعىتتارى بويىنشا جۇرە باستادى.

– 18 اۆتوبۋس “14” باعىتى بويىنشا،ال 6 اۆتوبۋس “7” باعىت بويىنشا تولىقتى. تاعى التى اۆتوبۋس رەزەرۆتە تۇر. جاقىن ارادا ولاردى “50” باعىتى بويىنشا شىعارۋدى جوسپارلاپ وتىرمىز،- دەيدى “Akzhayk Avtopark” ج ش س ديرەكتورى قۋانتاي قالمان.
ايتا كەتەيىك، “14” جانە “7” باعىتىنان بوساتىلعان اۆتوبۋستار “22”، “65” جانە “1” باعىتتارىنا جىبەرىلدى.

ەسكە سالا كەتەيىك، “انكاي” ماركالى جاڭا اۆتوبۋستاردى تشو كومپانياسى ساتىپ الىپ، “اتىراۋ”اكك بالانسىنا بەرگەن بولاتىن. قازىرگى تاڭدا “Akzhayk Avtopark”ج ش س 30 جاڭا اۆتوبۋسپەن قىزمەت كورسەتۋمەن اينالىسادى.