كەشەن 7 ءتۇرلى قالدىقتى سۇرىپتايدى دەپ حابارلايدى Qamshy.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتى.
كەشەننىڭ اشىلۋىنا تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قادىرجان ارىستان جانە قالا اكىمىنىڭ ورىنباسارى ۇلىقبەك تنالييەۆ قاتىسىپ، جاڭا كاسىپورىننىڭ جۇمىسىمەن تانىستى.
"قازىرگى تاڭدا قالا تۇرعىندارىنىڭ ىڭعايلىلىعى ءۇشىن تۇرمىستىق قالدىقتاردى تۇرىنە قاراي ءبولىپ جيناقتايتىن قوقىس جاشىكتەرى ورناتىلۋدا. بۇل قالدىقتاردى سۇرىپتاۋ جۇمىستارىنا دا وڭ ىقپال ەتەدى. مۇنىڭ بارلىعى ەكoلوگيالىق احۋالدىڭ جاقسارۋىنا سەپتىگىن تيگىزەدى. الايدا، ءار يگى ءىستىڭ باستاماشىسى سىزدەر مەن بىزدەر. سول سەبەپتى قالا تازالىعىنىڭ ساقتالۋىنا بىرىگىپ اتسالىسايىق"،- دەدى قالا اكىمىنىڭ ورىنباسارى ۇلىقبەك تنالييەۆ.
ايتا كەتەيىك، «ارناۋلى اۆتوبازا» ج ش س –ءنىڭ مالىمەتىنشە قالادان تاۋلىگىنە 250 – 300 تونناعا دەيىن قوقىس شىعارىلادى.
"كەشەن جەكە ينۆەستور ەسەبىنەن بەلورۋسسياداعى «سيفانيا - ەكوتەحنيكا» كومپانياسىنان ساتىپ الىندى. ساتىپ الىنعان جابدىقتار جىلىنا 100 مىڭ توننا قاتتى قالدىقتاردى مۋنيسيپالدىق قالدىقتاردى سۇرىپتاۋعا ارنالعان. مۇندا ازىرگە 35 ادام جۇمىسپەن قامتىلعان"،- دەيدى «ارناۋلى اۆتوبازا» ج ش س ديرەكتورىنىڭ مىندەتىن اتقارۋشى الماس ىزتىلەۋوۆ.
كەشەنگە اكەلىنگەن قوقىس بۋنكەرگە ءتۇسىرىلىپ، سودان كەيىن كولبەۋ كونۆەيەر ارقىلى كابينانىڭ ىشىندەگى سۇرىپتاۋ تاسباسىنا تىكەلەي تۇسەدى. سول جەردە قالدىقتاردان پايدالى زاتتار – قايتالاما پوليمەر، پلاستيك بوتەلكەلەر ماكۋلاتۋرالار، توقىما ونىمدەرى، مەتالل سىنىقتارى، شىنى جانە سىنعان اينەكتەر سۇرىپتالادى. تاسپالى كونۆەيەر ۇزىنا بويى سۇرىپتالعان قوقىسقا ارنالعان كونتەينەر ىدىستارمەن جاراقتالعان. جانبايتىن ورگانيكالىق فراكسيالار بۇرىنعىشا جويىلاتىن بولادى.
پىكىر قالدىرۋ