اقتاۋدا زورلانعان ايەل پوليسياعا حابار بەرۋدەن باس تارتتى، - دەپ حابارلايدى Lada.kz. 1 ىقشامداۋدانىنىڭ تۇرعىندارى بولعان قىلمىس جايلى پوليسياعا حابار بەردى. ولار ءىىد جەدەل باسقارۋ ورتالىعىنىڭ كەزەكشى بولىمىنە حابارلاسىپ، پاتەرلەردىڭ بىرىندە زورلىق بولىپ جاتقانىن جانە مەكەنجاي بويىنشا كەلۋىن سۇراعان.

وقيعا ورنىنا كەلگەن جەدەل توپ پاتەر ەسىگىن قاعادى. ەسىكتى 25 جاستاعى تۇرعىن اشتى. راسىندا دا، ونىڭ پاتەرىندە №2 ءۇيدىڭ 37 جاستاعى تۇرعىنى بولىپتى.

ءتارتىپ ساقشىلارى ايەلدىڭ ايقايلاپ، كومەككە ادام شاقىرعانىن انىقتادى. الايدا جابىرلەنۋشى ارىزدانۋدان باس تارتتى. ەسكە سالايىق، ەكى اي بۇرىن وسىعان ۇقساس وقيعا بولعان ەدى. اقتاۋدىڭ №4 ىقشاماۋدانىنداعى تۇرعىندار كورشى پاتەرلەرىنەن زورلانىپ جاتقان ايەلدىڭ داۋسىنىڭ شىعىپ جاتقانىن حابارلاعان. وقيعا ورنىنا كەلگەن ءتارتىپ ساقشىلارى مۇنايلىنىڭ 19 جاستاعى تۇرعىنىن زورلاۋدان امال الىپ قالعان. پاتەردە ءتارتىپ ساقشىلارى ءتورت ەر ادامدى ۇستادى. ولار قىزدى پاتەرگە الداپ كىرگىزىپ الىپ، زورلاعىسى كەلىپتى.