جايماشۋاق جازدىڭ العاشقى كۇنىنەن ەسىگىمىزدەن اتتايتىن دۇنيەجۇزىلىك بالالاردىڭ قۇقىعىن قورعاۋ كۇنىنە وڭتۇستىك قازاقستاندىق كاسىپكەرلەر دە قاراپ قالمادى. بالالاردىڭ كوڭىلىن كوتەرۋ ءۇشىن، اتا-انالار مەن بالاپاندارعا كەرەمەت مەيرام سىيلاۋ ءۇشىن شىمكەنتتىك كاسىپكەرلەر بارىن سالعان ەكەن. بالالار كۇنىنە وراي شىمكەنتتە بالالار تەمىرجولى جۇمىسى ىسكە قوسىلدى. بۇل تۋرالى «قامشى» پورتالى حابارلايدى. شىمكەنتتە بالالاردى قورعاۋ كۇنىنە وراي قاجىمۇقان ستانساسىنان دەندروساياباق ارالىعىنا دەيىن ءجۇرىپ وتەتىن «تۇلپار» بالالار تەمىر جولى لوكوموتيۆى اشىلدى. بالالار تەمىر جولى 1979 جىلى سول كەزدەگى وبلىس باسشىسى اسانباي اسقاروۆتىڭ تىكەلەي باسقارۋىمەن سالىنعان. جول ۇزىندىعى – 8 شاقىرىمعا جۋىق. ءبىر نۇكتەدەن ەكىنشى نۇكتەگە جەتۋ، شىنايى تەمىر جول نىساندارىنا ۇقساس بولۋ جاعىنان بۇل تەمىر جولعا تەڭ كەلەر نىسان ەلىمىزدە جوق. بيىل بالالار تەمىر جولىن قايتا جاڭعىرتىپ، ىسكە قوسىپ وتىر. ارينە، بۇگىنگى كۇن بالالار تەمىر جولىنىڭ جولاعى سوستاۆتىڭ جۇرۋىنە جارامدى، ال لوكوموتيۆ پەن ۆاگوندار سابيلەر تاسىمالىنا قابىلەتتى بولعانىمەن، الداعى ۋاقىتتا سەمافورلاردى جاڭعىرتۋ، جولدىڭ ەكى جاعىنداعى قورعان زوناسىن تازارتۋ، رەلستەر مەن شپالداردى تۇگەلىمەن تەكسەرۋدەن وتكىزىپ، جارامسىزدارىن اۋىستىرۋ، جەتپەي تۇرعان نىسانداردى سالۋ سياقتى ۇلكەن جۇمىستار بار. بۇگىنگى كۇن بالالار تەمىر جولىن قالىپقا كەلتىرىپ، پايدالانۋعا بەرۋ ماسەلەسىمەن «تۇرعىن ءۇي شىمكەنت» ج ش س اينالىسۋدا.