وسىعان دەيىن تەك جاعىمسىز بەينەسىمەن  تانىلىپ كەلگەن رەسەيلىك ساياساتكەر، رلدپ جەتەكشىسى ۆلاديمير جيريرنوۆسكييدىڭ قازاقستان تەرريتورياسىنا قاتىستى  كەشەگى مالەمدەمەسى قازاقستاندىق باق-تا قىزۋ تالقىعا تۇسكەن بولاتىن. بۇل تۋرالى «قامشى» پورتالىندا جاريالاعان بولاتىنبىز.   دۋما دەپۋتاتىنىڭ توسىن بايانداماسى ادەتتەگىدەي،  قۇر ايقاي، جالاڭ ءھام جالعان ساندىراق ەمەس، ناقتى فاكتىلەرگە سۇيەنە وتىرىپ، رەسەيلىكتەردىڭ قازاق جەرى كوز الارتىپ وتىرماعانىن جەتكىزگەن ەستى اڭگىمە بولعان. جيرينوۆسكيي ءوز كوزقاراسىن، ۇستانىمىن 180 گرادۋسقا وزگەرتكەنىنە  كوبىمىزدىڭ سەنگىمىز جوق، ارينە.  ۆلاديمير ءۆولفوۆيچتى قازاقستاندىقتار جەك كورەتىنى دە جاسىرىن ەمەس. ەندى جيرينوۆسكيي تەك  قازاقستاندا عانا ەمەس، رەسەيدە دە جاعىمسىز ساياسي كەيىپكەرگە اينالدى.

رەسەيلىك تەلەارنالادىڭ بىرىندە، تىكەلەي ەفيردەن ۆلاديمير جيرينوۆسكيي توسىن مالىمدەمە جاسادى. ول ءقازىر دونباسستا سوعىسىپ جۇرگەن رەسەيلىكتەر سوندا «ولۋلەرى» كەرەك، ولار سوعىستان سوڭ رەسەيگە كەلەتىن بولسا، ءبىزدىڭ ەلدەگى «قىلمىسكەرلەردىڭ» سانى ارتىپ كەتۋى مۇمكىن دەپ وتىر.

ۆلاديمير جيرينوۆسكيي،  رەسەيلىك ساياساتكەر:

-سوعىس ءبىر كۇنى اياقتالادى.  ول ماڭگى ەمەس. ال مايداننان ورالعاندار اقىرىنداپ، قىلمىسقا شاتىلا باستايدى. كريمينالدى ورتالارعا قىزمەت ەتە باستايدى. مىنە، سوندىقتان دا ۋكراينانىڭ دونباسسىندا  سوعىسىپ جۇرگەن  رەسەيلىكتەر سول جەردە ەرلىكپەن قازا تابۋلارى كەرەك.  سوعىستان ورالعان كەز كەلگەن ەر ازامات ءبىرى جارالى، ءبىرى ىزالى، ءبىرى دوسىنان ايىرىلعان، ەندى ءبىرى جاقىنىن جەرلەپ كەلدى. ولار قىپ-قىزىل قان كورگەندەر. ولار  وسىنداي تاۋقىمەتتەن وتكەندەر، تىنىش، بەيبىت ومىرگە بىردەن ۇيرەنىسىپ كەتە المايدى. كۇندەردىڭ كۇنى قولىنا قارۋ الادى. سوندىقتان دا، ۆاشينگتون، بريۋسسەل، كييەۆ جانە ماسكەۋ ءۇشىن سوعىستىڭ جالعاسقانى ءتيىمدى. ادامداردىڭ بىر-بىرلەرىن قىرعانى ءتيىمدى.

نۇرزات توعجان