ماڭعىستاۋ وبلىسىندا نەگىزگى تۋريستىك نىسانداردى قاجەتتى ينفراقۇرىلىم مەن كولىكتىك قولجەتىمدىلىكپەن قامتاماسىز ەتۋ ءۇشىن ەلەكتر تاسىمالداۋ جەلىلەرىن، سۋمەن جابدىقتاۋ جانە سۋدى بۇرۋ جۇيەلەرىن سالۋ، جولداردى قالپىنا كەلتىرۋ بويىنشا تەحنيكالىق-ەكونوميكالىق نەگىزدەمە مەن جوبالىق-سمەتالىق قۇجاتتامانى ازىرلەپ جاتىر.

جۇمىستار ايماقتىڭ تۋريستىك نىساندارىنىڭ كولىكتىك قولجەتىمدىلىگى مەن ينجەنەرلىك ينفراقۇرىلىمىن قامتاماسىز ەتۋ جوسپارىنا سايكەس جۇرگىزىلۋدە. بۇل تۋرالى ماڭعىستاۋ وبلىسى تۋريزم باسقارماسىنىڭ باستىعى گۇلجان بايجاۋىنوۆا حابارلادى.

«ءبىرىنشى كەزەكتە، كوممۋنيكاسيالىق جۇيەلەر كاسپيي تەڭىزىنىڭ اقتاۋ قالاسى جاعالاۋىنداعى جاعاجاي ءتۋريزمى جانە ويىن-ساۋىق يندۋسترياسىن دامىتۋ اۋداندارىندا كەرەك»، - دەپ حابارلادى گ.بايجاۋىنوۆا. ونىڭ ايتۋىنشا، وبلىس اكىمى اليك ايداربايەۆ اقتاۋ قالاسىنىڭ اكىمدىگىنە اقتاۋداعى دەمالىس بازالارى، جاعالاۋ بويىنشا قاجەتتى ينفراقۇرىلىمدى (ەلەكترمەن قامتۋ، سۋمەن قامتۋ، جول، گازبەن قامتۋ جانە كارىز) سالۋعا تەن مەن جسق-نى ازىرلەۋدى تاپسىرعان. «2015 جىلعى جەرگىلىكتى بيۋدجەتتى ناقتىلاۋ كەزىندە ءومىرزاق اۋىلىنان باستاپ دەمالىس بازالارىنا دەيىن 6 ملن. تەڭگە سوماسىنا جولدار سالۋ ۇسىنىسى ەنگىزىلگەن. اعىمداعى جوندەۋ جۇمىستارى اياقتالىپ قالدى، ءبىراق ءبىز جولدى ودان دا جاقسى ەتكىمىز كەلەدى. بەرگەن ءوتىنىمىمىز بەكىتىلدى»، - دەپ باياندادى ماڭعىستاۋ وبلىسى تۋريزم باسقارماسىنىڭ باستىعى.