№13 سايلاۋ ۋچاسكەسىنىڭ دە­پۋتاتى تابىلدى ءامىروۆ ءتورا­عا­لىق ەتكەن سەسسيا جۇمىسىنا وب­لىس اكىمى اليك ايداربايەۆ، وبلىس اكىمىنىڭ ورىنباسارلارى، قالا، اۋ­­دان اكىمدەرى، دەپارتامەنت جانە باس­قارما باسشىلارى قاتىستى. الدىمەن «2015-2017 جىل­دار­عا ارنالعان وبلىس بيۋدجەتى تۋ­رالى» شەشىمىنە وزگەرىستەر مەن تولىقتىرۋلار ەنگىزۋ جونىندە وب­لىس اكىمىنىڭ ورىنباسارى ش.يل­مۇحانبەتوۆا بايانداما جا­سادى. «2015 جىلدىڭ 1 ماۋسىمىنا دەيىن ناقتىلانعان وبلىس بيۋد­جەتى 155،2 ملرد. تەڭگەنى قۇ­رايدى. جەرگىلىكتى بيۋدجەتتىڭ ورىن­دالۋى مەن بيۋد­جەتتىك قا­را­جاتتىڭ يگەرىلۋىنە تالداۋ جا­ساۋ ناتيجەسىندە 6 ملرد. تەڭگە قوسىمشا الىندى. قازىرگى تاڭدا ناقتىلانعان وبلىس بيۋدجەتى 161،2 ملرد.تەڭگەنى قۇرايدى» دەدى ول. وبلىستىڭ ءۇش جىلدىق بيۋد­جە­ءتىن بەكىتۋ بارىسىندا باع­دارلاما اكىمشىلەرىنىڭ ۇسى­نىس­­تارىن نەگىزگە الا وتىرىپ  بيۋد­جەتتىك قاراجات ماڭىزدى جو­­بالاردى جۇزەگە اسى­رۋعا با­عىت­تالادى. تۇرعىن ۇي-كوم­مۋ­نال­دىق شارۋاشىلىعى، سۋ­مەن قام­­تاماسىز ەتۋ جانە كولىك ين­فرا­قۇرىلىمى سالالارىن دامى­تۋعا  با­سىمدىق  بەرىلەدى. «بيىل «اق بۇلاق» باعدارلاما­سىن جۇزەگە اسىرۋعا 401 ملن. تەڭ­گە ءبولىندى. «قولجەتىمدى تۇرعىن ءۇي-2020» باعدارلاماسىنا 1 ملرد. تەڭگە، كولىك ينفراقۇرىلىمىن سا­لۋعا 673 ملن. تەڭگە، تۇرعىن ۇي-كوممۋنالدىق شارۋاشىلىعىن مو­­­دەر­نيزاسيالاۋعا 383 ملن. تەڭ­گە باعىتتالدى» دەدى ش.يل­مۇ­حان­بە­توۆا. وبلىستىق ءماسليحاتتىڭ دەپۋ­­تاتتىق كورپۋسى 2015-2017جىل­دارعا ارنالعان جەرگىلىكتى بيۋد­جەتتىڭ ورىندالۋى مەن يگە­رىلۋىنە  تالداۋ جاساۋ ءناتي­جەسىندە  بەكىتىلگەن وبلىس بيۋدجە­تىنە ەنگىزىلگەن وزگەرىستەردى ءبىراۋىز­دان ماقۇلدادى. سونىمەن قاتار سەسسيا قاراۋى­نا ەنگىزىلگەن ءوڭىردىڭ دامۋىنا ۇلەس قوس­قان ءتۇرلى ۇيىمدار مەن كا­­ءسىپ­ورىندار قىزمەتكەرلەرىن ماڭ­عىستاۋ وبلىسىنىڭ قۇرمەت گرامو­تاسىمەن ماراپاتتاۋ ۇسىنىسى دا­ۋىسقا سالىنىپ، دەپۋتاتتار تاراپىنان قولداۋ تاپتى. وبلىستىق ءماسليحاتتىڭ كەزەكتەن تىس جيىرما التىنشى سەسسيا جۇ­مىسىن وبلىس اكىمى ا.ايداربايەۆ قورىتىندىلادى. «اعىمداعى جىلدىڭ بەس ايىندا  وبلىستىڭ الەۋمەتتىك-ەكونوميكا­لىق دامۋىنىڭ قورىتىندى ماك­روەكونوميكالىق كورسەتكىشتەرى ءور­­لەۋ سيپاتىمەن سەرپىندى دامۋ­دا. 2015 جىلدىڭ قاڭتار-مامىر اي­لارىندا ءوڭىردىڭ وندىرىستىك كا­ءسىپورىندارى 647،8 ملرد. تەڭگە سوماسىنا تاۋار ءوندىردى. 2014 جىلمەن سالىس­تىر­عاندا مۇناي ءوندىرۋ كولەمى 1،3%-عا ارتقان. تابيعي گاز ءوندىرىسى 14،4 %-عا ۇلعايىپ، 980،2 ملن. كۋب. مەتردى قۇرادى. مۇناي­گاز سەك­تورىنداعى كاسىپ­ورىن­داردى قول­داۋ ماقساتىندا وبلىس اكىمدىگى اعىم­داعى جىل­دىڭ ءساۋىر ايىندا مۇ­ناي كومپا­نيالا­رىنا سالىقتىق سال­ماقتى–ەكسپورتتىق كەدەندىك باج سالى­­عىنىڭ مولشەرلەمەسىن نولگە دە­ءيىن تومەندەتۋدى ۇسىندى» دەدى وب­لىس اكىمى. وبلىس اكىمىنىڭ مالىمدەۋىنشە، يندۋستريالاندىرۋدىڭ ەكىنشى بەس­جىلدىعىندا الپىستان اسا جوبا جۇزەگە اسادى دەپ جوسپارلانعان. ونىڭ 14ء-ى 2015 جىلى ىسكە قو­سىلادى. «ايماقتاردى دامىتۋ» مەم­لەكەتتىك باعدارلاماسى اياسىندا ينجەنەرلىك-كوممۋنيكاسيالىق ينفراقۇرىلىمدى، ەنەرگەتيكالىق  جۇيەلەردى، ءبىلىم بەرۋ نىساندارىن، دەنساۋلىق ساقتاۋ، كوممۋنالدىق شا­رۋاشىلىق سالاسىن، ءتۇرعىن-ۇي قورىن جاڭعىرتۋعا باسىمدىق بەرىلمەك. «از قامتىلعان جانە جاس وت­باسىلارعا، مەملەكەت جانە جەكە ينۆەستورلار قارجىلاندىراتىن مەكەمەلەر قىزمەتكەرلەرىنە ارنالعان تۇرعىن ءۇي قۇرىلىسىنىڭ جوعارى قارقىنى الەۋمەتتىك تۇراقتىلىقتى قالىپتاستىرماق. وسى ماقساتقا ارناپ 2014 جىلى 26 ملرد. تەڭگەدەن استام قارجى جۇمسالدى. ونىڭ ىشىندە 13 ملرد. تەڭگەگە جۋىعى بۇل  مەملەكەتتىك ينۆەستيسيالار. 2015 جىلى قاراجات كولەمى 29 ملرد. تەڭگەدەن اسىپ ءتۇستى. بيىل دەنساۋلىق ساقتاۋ جانە الەۋمەتتىك سالا نىساندارىنا، مەكتەپكە دە­يىنگى بالالارعا ارنالعان مەكە­مەلەر مەن ورتا مەكتەپتەرگە رەس­­پۋبليكالىق جانە جەرگىلىكتى بيۋد­­جەتتەن 18،8 ملرد. تەڭگەدەن اس­تام قاراجات ءبولۋ جوسپارلانۋدا» دەدى ايماق باسشىسى. بيۋدجەتتىك قاراجاتتىڭ ۇل­­عايۋى­نا بايلانىستى  ۇزاق مەرزىمدى جوبالاردى قايتا جاڭارتۋعا مۇمكىندىك تۋدى. ولاردىڭ قاتارىندا اقتاۋ قالاسىنداعى ونكولوگيالىق ديسپانسەر، جاڭاوزەن قالاسىنداعى تەراپيەۆتىك ورتالىق بار. سونىمەن قاتار، كاسپيي جاعالاۋىنداعى تەننيس ورتالىعى قۇرىلىسى جاندانادى. «اۋدانداردا اۋىلارالىق جولدار سالۋ جۇمىسى جالعاسادى. بيىل قىزىلتوبە اۋىلىنان باستاعالى وتىرمىز. اۆتوجولداردى سالۋعا جانە جاڭعىرتۋعا ناقتى قاراجات ءبولىندى» دەدى ا.ايداربايەۆ. مەكتەپكە دەيىنگى بالالارعا ارنالعان مەكەمەلەردى قايتارۋ جانە سالۋعا اسا ءمان بەرىلىپ وتىر. بيىل اقتاۋ قالاسىنداعى 4 بالاباقشادان 1280 ورىن بەرىلمەك. «حالىقتى جۇمىسپەن قامتۋ ماسەلەسى قولعا الىندى.  اعىمداعى جىلدىڭ 5 ايى ىشىندە  وبلىستا 8944 جۇمىس ورنى قۇرىلدى. «جاستار تاجىريبەسى» باعدارلاماسى بويىنشا ءبىرتالاي جۇمىس اتقارىلۋدا. سوڭعى 5 اي ىشىندە جاستاردىڭ  جۇمىسسىزدىق دەڭگەيى 6،8%-دان 3،8%-عا تومەندەدى. جۇمىسسىز ازاماتتارعا قوعامدىق جۇمىستارعا جولداما بەرۋ جۇزەگە اسۋدا. بۇگىنگى تاڭدا وڭىردەگى جۇمىسسىزدىق دەڭگەيى 52%-دى قۇرايدى. بۇل 2014 جىلمەن سالىستىرعاندا 0،2%-عا تومەن» دەدى ءوڭىر باسشىسى. سونىمەن قاتار، بيىل بىرنەشە ماڭىزدى الەۋمەتتىك جوبالار NCOC كومپانياسىنىڭ قايىرىمدىلىق باعدارلاماسى بو­يىنشا قارجىلاندىرىلماق. «بەس جىل بويى NCOC كومپانياسى وبلىستا الەۋمەتتىك باع­دارلامالاردى جۇزەگە اسىرۋعا 25 ملن. اقش دوللارىن نەمەسە 4،6 ملرد. تەڭگە قاراجات جۇمسادى. بيىل، اقتاۋ قالاسىنداعى «جاس­تار ءۇيى»، «دوستىق ءۇيى» مەن قۇ­رىق اۋىلىنداعى 500 ورىندىق جاتاقحانا، راحات، تەڭگە اۋىل­دا­رىنداعى سپورتتىق كەشەندەر اتالمىش كومپانيانىڭ قايى­رىم­دىلىق قاراجاتىمەن بوي كوتەر­مەك» دەدى. سەسسيا جۇمىسىن  قورىتىندىلاي كەلە وبلىسى اكىمى دەپۋتاتتارعا  بەلسەندى قىزمەتى ءۇشىن العىسىن ءبىلدىردى. V سايلانعان ماڭعىستاۋ وبلىس­تىق ءماسليحاتىنىڭ  جيىرما جەتىنشى سەسسيانىڭ ءتوراعاسى بولىپ №2 سايلاۋ ۋچاسكەسىنىڭ دەپۋتاتى ءالي ساحيموۆ سايلاندى.