«بيىلعى جىلى ماڭعىستاۋ وبلىسىندا اپاتتى مەكتەپتەر ماسەلەسى تولىق شەشىلەدى. 2015 جىلى جەتىباي جانە قۇلاندى اۋىلدارىندا ەكى مەكتەپ سالىنادى. سول ارقىلى بىزدەگى بارلىق اپاتتى مەكتەپتەر جويىلادى. وبلىستا ءۇش اۋىسىممەن وقۋعا جول بەرمەۋ ءۇشىن ءقازىر ءبىز العا وزىپ وتىرمىز. بيىلعى جىلى اقشۇڭقىر اۋىلىندا 960 ورىندىق مەكتەپتى پايدالانۋعا بەردىك، فورت-شيەۆچەنكو قالاسىندا 550 ورىنعا، اتامەكەندە 1200 ورىنعا ارنالعان مەكتەپتى بەرۋ جوسپارلانىپ وتىر. وسى قۇرىلىستاردىڭ بارلىعىن ەسەپكە الا وتىرىپ، وبلىستا ءۇش اۋىسىممەن وقۋ ەندى بولمايتىنىن شامالاپ وتىرمىز»، - دەپ باياندادى ماڭعىستاۋ وبلىسى اكىمىنىڭ ورىنباسارى. ونىڭ ايتۋىنشا، جىل باسىنان بەرى وبلىستاعى تۇرعىندار سانى 3،2 پايىزعا وسكەن. «بۇگىندە ماڭعىستاۋدا 613 مىڭ ادام تۇرىپ جاتىر. ەگەر وتكەن جىلمەن سالىستىراتىن بولساق، 2014 جىلى بۇل كورسەتكىش 594 مىڭ ادامدى قۇراعان. ايماعىمىز حالىق سانىنىڭ ءوسۋ قارقىنى بويىنشا الماتى قالاسىنان كەيىن ەكىنشى ورىندا تۇر. ءبىرىنشى كەزەكتە، بۇعان بالا تۋۋدىڭ جوعارى قارقىنى سەپتىگىن تيگىزىپ وتىر. بالا تۋۋ قارقىنى بويىنشا ءبىزدىڭ ايماعىمىز رەسپۋبليكانىڭ بارلىق ايماقتارىنىڭ ىشىندە ءبىرىنشى ورىندا تۇر»، - دەپ حابارلادى شولپان ىلمۇحانبەتوۆا.