بۇگىن اقتاۋدا قازاقستان رەسپۋبليكاسى كونستيتۋسياسىنىڭ 20 جىلدىعىنا وراي مەملەكەتتىك قىزمەتكەرلەر اراسىنداعى «سپورت - دەنساۋلىق كەپىلى» قالالىق ءىى سپارتاكياداسىنىڭ ۆولەيبول باعدارلاماسى بويىنشا ايەلدەر اراسىندا جارىس ءوتتى، دەپ حابارلادى قالالىق اكىمدىكتىڭ باسپا ءسوز قىزمەتىنەن.
اتالعان جارىسقا 4 مەملەكەتتىك مەكەمەدەن 48 سپورتشى قاتىستى. تارتىستى وتكەن كەزدەسۋلەر ناتيجەسىندە ءى ورىندى ماڭعىستاۋ وبلىستىق مەملەكەتتىك كىرىستەر دەپارتامەنتى يەلەندى. اقتىق سىندا قارسىلاستارىنا ەسە جىبەرگەن ماڭعىستاۋ وبلىسىنىڭ اكىمدىگى جۇلدەلى ءىى ورىندى قاناعات تۇتتى. جارىستىڭ ءۇشىنشى ورىن يەگەرى - اقتاۋ قالاسى اكىمدىگىنىڭ قۇراماسى. جەڭىمپازدار دارەجەلى ديپلومدار جانە مەدالدارمەن ماراپاتتالدى.
