1992 جىلعى 23-ماۋسىمدا ەلى­مىزدە «ق ر ىشكى ىستەر ورگاندارى تۋرالى» زاڭ قابىلداندى. بۇل قا­زاقستان پوليسياسىنىڭ قىزمەتىن ايقىنداعان العاشقى قۇقىقتىق قۇجات بولاتىن. 2007 جىلى مەملەكەت باسشىسىنىڭ جارلىعىمەن 23 ماۋسىم پوليسيا كۇنى دەپ رەس­مي تۇردە اتالدى. ال، مەملەكەتتىك قىزمەتشىلەر كۇنىن اتاپ ءوتۋ تۋرالى بىرىككەن ۇلتتار ۇيىمى  2002  جىلى  قارار  قابىلدادى. ءبىزدىڭ ەلىمىزدە  بۇل كۇن 2013 جىلى مەرەكە بولىپ جاريالاندى. «قوس مەيرامدى اتاپ وتۋدەگى ماقسات– قاۋىپسىزدىك پەن تىنىشتىق ساق­شىلارىن قولداۋ، ەڭبەكتەرىن با­عالاپ، لايىقتى ماراپاتتاۋ جانە وسى جولدا قۇربان بولعانداردى ەسكە الۋ» دەدى وبلىستىق ىشكى ىستەر دەپارتامەنتىنىڭ باستىعى ق.دالبەكوۆ. – ەلباسىنىڭ پوليسيا قىز­مەتكەرلەرىنە ارنايى مەرەكە بەلگىلەۋى – بۇل ءبىز ءۇشىن جوعارى سەنىم مەن ۇلكەن مارتەبە. ىشكى ىستەر ورگاندارىنىڭ تاريحى – تاۋەلسىز مەملەكەتىمىز تاريحىنىڭ ءبىر بولىگى. سول جىلدارى تومەن جالاقى، قىزمەتكەرلەردىڭ الەۋمەتتىك جاع­دايلارىنىڭ قاراستىرىلماۋى– كوپ­­­تەگەن بىلىكتى مامانداردىڭ باس­قا سالالارعا كەتىپ قالۋلارىنا اكەلدى. سونداي قيىندىقتارعا قا­را­ماستان، كەشەگى ماڭعىستاۋلىق پولي­سەيلەر – بۇگىنگى ارداگەرلەر ءوز مىندەتتەرىن ابىرويمەن اتقارا ءبىلدى. قىلمىسپەن  كۇرەسىپ،  قوعامدىق ءتارتىپ ورناتۋدا تەر توككەن ولار بۇگىندە جاس مامانداردى تاربيەلەۋگە اتسالىسۋدا،-دەپ ارداگەرلەرگە العىس ايتتى قايرات سۇلتانباي ۇلى. دەپارتامەنت باستىعىنىڭ اي­تۋىنشا، بۇگىندە جاعداي وزگەر­گەن. قوعامدىق قاۋىپسىزدىكتى قام­تاماسىز ەتۋشىلەرگە ۇكىمەت تاراپىنان بارلىق جاعداي جاسالۋدا. مەكەمەنىڭ ماتەريالدىق-تەحنيكالىق نەگىزى جاقسارىپ، قىزمەتكەرلەر باسپانامەن قام­تاماسىز ەتىلۋدە. اقتاۋ مەن جاڭاوزەن قالالارىنا قوسىمشا  100-دەن استام سوڭعى ۇلگىدەگى بۇرىلمالى بەينەباقىلاۋ كامە­رالارى ورناتىلعان. سوڭعى ەكى جىلدا ارنايى اۆتوكولىكتەر، را­ديو­بايلانىس قۇرىلعىلارى مەن كومپيۋتەرلىك تەحنيكالار جا­ڭار­تىلعان. اعىمداعى جىلى جا­ڭاوزەندە قۇقىق قورعاۋشىلار­عا ارنالعان ەكى تۇرعىن ءۇي تۇرعىزىلىپ، تابىستالعان.  ماڭ­عىستاۋ  وبلىستىق ىشكى ىستەر دەپارتامەنتىندە  2 مىڭنان استام قىزمەتكەر ەڭبەك ەتەدى. قوعامدىق ءتارتىپ ورناتىپ، قىلمىسپەن كۇ­رەسىپ، ازاماتتاردىڭ قۇقىقتارىن قورعاۋدى ماقسات ەتكەن ولاردىڭ  باسىم كوپشىلىگى ءوز ىستەرىن سۇيەتىن بىلىكتى ماماندار. ءتارتىپ جوق، قىلمىس كوپ ەلدە تۇراقتىلىق پەن ەكونوميكالىق دامۋ دا بولمايتىنى انىق. سوندىقتان دا  پوليسەيلەرگە جۇكتەلەتىن مىندەتتىڭ سالماعى اۋىر. وسى ورايدا، ءبىرقاتار قىزمەتكەرلەر مەرەكە  قۇرمەتىنە  وراي  ماراپاتقا يە بولدى. بەينەۋ اۋداندىق ىشكى ىستەر ءبولىمى باستىعىنىڭ ورىنباسارى مۇرات ءىزىموۆ، اقتاۋ قالاسى  ىشكى ىستەر ءبولىمى جەدەل باسقارۋ ورتالىعىنىڭ اعا ينسپەكتورى اسىلبەك  سيىحوۆ، ۋاقىتشا ۇستاۋ يزولياتورىنىڭ پوليسەيى باۋىرجان ەلگەلدييەۆ جانە ىشكى ىستەر دەپارتامەنتى ەمحاناسىنىڭ زەرتحاناشىسى ءۇزىلحان  بۇركىتوۆالار قۇرمەت  گراموتالارىنا  يە بولسا، باسقا دا ءبىرقاتار  قىزمەتكەرلەر  مەن ارداگەرلەر العىس حاتتارمەن ماراپاتتالدى. كەش سوڭى ونەرپاز پوليسەيلەر مەن ەسترادا جۇلدىزدارىنىڭ كونسەرتىنە ۇلاستى.