«ماڭعىستاۋ وبلىسى مادەنيەتىنىڭ استانا قالاسىنداعى كۇندەرىن اقىن وڭايگۇل تۇرجاننىڭ «تەڭىزدەر دە شولدەيدى» اتتى جىر كەشىنەن باستاپ وتىرمىز. مادەنيەت كۇندەرىن ۇيىمداستىرۋ الدىندا ءار وبلىستىڭ اقىنى، جازۋشىسى سەكىلدى اتاقتى ادامداردىڭ شىعارماشىلىق كەشىن وتكىزۋ ەسكەرىلگەن بولاتىن. وڭايگۇل ءىزتۇرعان قىزى ماڭعىستاۋ وڭىرىندە دۇنيەگە كەلگەن. بۇگىندە ول استاناداعى ەۋرازيا ۇلتتىق ۋنيۆەرسيتەتىندە قىزمەت اتقارۋدا. وسى ورايدا اقىننىڭ شىعارماشىلىقتاعى، عىلىم سالاسىنداعى وزىندىك ەڭبەگىن ەسكەرە وتىرىپ، ءوڭىرىمىزدىڭ ەلورداداعى مادەني كۇندەرىنىڭ اياسىندا وڭايگۇل تۇرجاننىڭ شىعارماشىلىعىن دا قامتىدىق»،- دەدى باسقارما باسشىسى. ونىڭ سوزىنە قاراعاندا، ەرتەڭ ەلورداداعى «شابىت» شىعارماشىلىق سارايىندا ق ر ەڭبەك سىڭىرگەن قايراتكەرى، كۇيشى سەرجان شاكراتتىڭ «كۇي قۇپتانى» اتتى كونسەرتى، م.گوركيي اتىنداعى ورىس دراما تەاترىندا ن.ءجانتورين اتىنداعى مۋزىكالىق-دراما تەاترىنىڭ «ابىلاي حان» قويىلىمى وتەدى. ال 25 ماۋسىمدا استانادا ماڭعىستاۋ وبلىستىق قۋىرشاق تەاترىنىڭ «قاڭباق شال» قويىلىمى وتكىزىلسە، وسى كۇنى كەشقۇرىم كونگرەسس حوللدا «سارىارقا - ەلدىڭ جۇرەگى، تۇبەكتىڭ سەندە تىلەگى!» اتتى ماڭعىستاۋ ونەر شەبەرلەرىنىڭ گالا-كونسەرتى ۇيىمداستىرىلادى. بەكبول بازاربايەۆتىڭ ايتۋىنشا، گالا -كونسەرتكە ءوڭىردىڭ 300-گە تارتا ونەرپازى قاتىسادى. «25 ماۋسىمدا ونەرپازدار ۇجىمى پاۆلودار وبلىسىنا ساپارلايمىز. 28 ماۋسىمعا دەيىن وسى وبلىستا مادەني كۇندەرىمىزدى وتكىزىپ، كەيىن وڭىرىمىزگە ورالامىز»، - دەپ تۇيىندەدى ول.