وسى ۋاقىتقا دەيىن ءبىلىم جانە عىلىم مينيسترلىگى ەلىمىزدەگى 5 جوعارى وقۋ ورنىنىڭ جۇمىسى توقتاتىلعانى تۋرالى جۇرتشىلىقتى حاباردار ەتكەنى بەلگىلى. الايدا قانداي جوعارى وقۋ ورىندارى، ول تۋرالى اشىق ايتىلعان جوق.
سونىمەن، ول قانداي ۋنيۆەرسيتەتتەر؟
- شىمكەنتتەگى ايماقتىق الەۋمەتتىك-يننوۆاسيالىق ۋنيۆەرسيتەت؛
- پاۆلودار ەۋرازيا يننوۆاسيالىق ۋنيۆەرسيتەتى؛
- «الماتى» ۋنيۆەرسيتەتى؛
- وسكەمەن قازاقستان- امەريكالىق ەركىن ۋنيۆەرسيتەتى؛
- اقتوبە حالىقارالىق قازاق-ورىس ۋنيۆەرسيتەتى.
ءبىلىم جانە عىلىم مينيسترلىگىنىڭ وكىلدەرى ايتىپ وتكەندەي، كەڭ اۋقىمدى تەكسەرۋ ناتيجەسىندە اتالعان جوعارى وقۋ ورىندارىندا كوپتەگەن زاڭ بۇزۋشىلىقتار ورىن العان. وسىعان بايلانىستى ولاردىڭ ليسەنزيالارى ءبىر ايعا توقتاتىلعان. جالپى مينيسترلىكتىڭ باسپا ءسوز قىزمەتى اتاپ وتكەندەي، ەلىمىزدەگى 13 جوعارى وقۋ ورنى كەڭ تۇردە تەكسەرىلگەن. ولاردىڭ ىشىندە ولقىلىقتاردى ورنىنا كەلتىرمەگەنى ءۇشىن، قايتا تەكسەرۋ بارىسىندا جوعارى اتتارى اتالعان بەس ۋنيۆەرسيتەتتىڭ ليسەنزياسى ءبىر ايعا توقتاتىلدى. ودان باسقا 12 جوعارى وقۋ ورنىنا ايىپپۇل سالىندى، ولاردىڭ ىشىندە ءبىر ۋنيۆەرسيتەتكە قاتىستى ءىس سوتقا جىبەرىلدى.
شىن مانىندە قازىرگى ۋاقىتتا قازاقستاندا جەكە مەنشىك جوعارى وقۋ ورىندارى وتە كوپ. سونداي-اق پەداگوگتار دايارلايتىن وقۋ ورىندارى دا كوبەيىپ كەتتى. ءبىر عانا مىسال، ەلىمىزدە مۇعالىمدەر دايارلايتىن 85 جوعارى وقۋ ورىندارى بار ەكەن. ءتىپتى كەيبىر وقۋ ورىندارى مۇعالىمدىك ماماندىققا 100 ستۋدەنت قابىلداسا، بىتىرەر كەزدە ولاردىڭ سانى 800-گە جەتكەن دەرەك دە ۇشىراسقان. سوندىقتان مينيستر ايماعامبەتوۆ مۇعالىمدەر دايىندايتىن وقۋ ورنىنىڭ سانىن 85-تەن 25-كە دەيىن قىسقارتۋدى كوزدەپ وتىر.
پىكىر قالدىرۋ