قازاقستانعا كوروناۆيرۋس بار ەلدەردەن قانشا ادام كەلگەنى بەلگىلى بولدى. بۇل تۋرالى  تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى حابارلادى. 

قىتايدان 1454 ادام كەلگەن، 401 ادام كارانتيندە جاتىر. ولاردىڭ 90-ى قازاقستاندىق،  311ء-ى شەتەلدىك ازامات. شەتەلدىك ازاماتتاردىڭ 306-سى جۇڭگو ازاماتى. ءقازىر 232 ادام كاراتيننەن شىعارىلىپ، 169 ادام كارانتيندە قالعان.

يراننان قازاقستان 69 ادام كەلگەن. كەلگەن ادامداردىڭ 68ء-ى كارانتيندە جاتىر. 52 ادام – قازاقستاندىق، 16 ادام – يراندىق ازامات. قازىرگى تاڭدا 35 ادام كارانتيننەن شىعارىلىپ، 33 ادام كارانتيندە جاتىر. 

وڭتۇستىك كورەيادان 819 ادام كەلگەن. كارانتيندە جاتقانداردىڭ سانى – 764. ولاردىڭ 706-سى قازاقستاندىق بولسا، 58ء-ى شەتەلدىك ازامات. سونداي-اق شەتەلدىكتەردىڭ 13ء-ى وڭتۇستىككورەيالىق ازامات. كارانتيننەن 65 ادام شىعارىلعان، 699 ادام كارانتيندە جاتىر. 

يتاليادان 37 ادام كەلىپ، بارلىعى كارانتيندە جاتىر. يتاليادان كەلگەندەردىڭ 33ء-ى قازاقستاندىق، تورتەۋى شەتەلدىك. ءالى كارانتيننەن شىعارىلعاندار جوق. 

فرانسيادان كەلگەن 17 ادام ۇيدە وقشاۋلانعان. ولاردىڭ 15ء-ى قازاقستاندىق، قالعان ەكەۋى شەتەلدىك ازامات. 

گەرمانيادان 217 ادام كەلگەن. ولاردىڭ 108ء-ى قازاقستاندىق بولسا، 109-ى شەتەلدىك ازامات. ءقازىر 195 ادام ۇيدە وقشاۋلانعان. 

يسپانيادان 34 ادام كەلگەن. ولاردىڭ 19-ى قازاقستاندىق، قالعان 15ء-ى شەتەلدىك ازامات. 32 ادام ۇيدە وقشاۋلانعان. جەدەل رەسپيراتورلى ۆيرۋستىق ينفەكسيا مەن تۇماۋ بەلگىسىمەن 23 ادام اۋرۋحانالارعا جاتقىزىلدى.