كوروناۆيرۋس جۇقتىرعان قازاقستاندىقتار الماتىداعى ينفەكسيالىق ستاسيونارعا جاتقىزىلدى. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ نۇر-سۇلتاندا وتكەن بريفينگ بارىسىندا ايتتى.
ءمينيستردىڭ ايتۋىنشا، ولار 9 ناۋرىز جانە 12 ناۋرىز كۇندەرى ەلگە كەلگەن.
– ءبىز جەكە اقپاراتتى جاريالاي المايمىز. ءبىر ايەل ادام جانە ءبىر ەر ادام ەكەنىن عانا ايتا الامىز. العاشقى ناۋقاس 9 ناۋرىزدا گەرمانيادان، ەكىنشىسى 12 ناۋرىزدا، ياعني كەشە كەشكە كەلگەن. 9 ناۋرىزدا كەلگەن جولاۋشىمەن قاتار ۇشاقتا 73 ادام بولعان. بىزدە ءتىزىم بار. ولاردىڭ قايدا ەكەنىنەن حاباردارمىز. ولاردى وقشاۋلاپ، كارانتينگە جاتقىزاتىن مەكەمە ىزدەستىرىپ جاتىرمىز. ولار ناۋقاس ەمەس، تەك 14 كۇنگە كارانتينگە جاتقىزىلادى، – دەدى ءبىرتانوۆ.
پىكىر قالدىرۋ