گەرمانيادان كەلگەن ەكى قازاقستان ازاماتىندا كوروناۆيرۋس انىقتالدى. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ نۇر-سۇلتاندا ءوتىپ جاتقان بريفينگ بارىسىندا ايتتى.
– ءبىز، دەنساۋلىق ساقتاۋ مينيسترلىگى، جەرگىلىكتى اتقارۋ ورگاندارى كوروناۆيرۋستىق ينفەكسيانى قازاقستانعا كىرگىزبەۋ ءۇشىن كوپ شارالار ىسكە اسىردىق. ءبىراق وكىنىشكە قاراي، قايتا-قايتا تەكسەرۋ ناتيجەسىندە بۇگىن گەرمانيادان كەلگەن ەكى قازاقستان ازاماتىنان كوروناۆيرۋستىق ينفەكسيا انىقتالدى. باس سانيتاردىڭ قاۋلىسىمەن ازاماتتار الماتىداعى ينفەكسياعا قارسى كارانتيندىك ستاسيونارعا جاتقىزىلدى. بارلىق شارالار بەلگىلەنگەن الگوريتمگە ساي جۇزەگە اسۋدا. وقشاۋلاندىرۋ، كارانتين سەكىلدى قاجەتتى پروسەدۋرالار جاسالۋدا. كلينيكالىق سيمپتومدار جوق. ازاماتتاردىڭ جاعدايى جاقسى، – دەدى مينيستر.
ءبىرتانوۆ ەلدە قاجەتتى توسەك ورىندار مەن دارى-دارمەكتەر بار ەكەنىن، قاجەتتى قوردىڭ جەتكىلىكتى ەكەنىن، مەديسينا قىزمەتكەرلەرى نە ىستەۋ كەرەگىن بىلەتىنىن ءمالىم ەتتى.
وقي وتىرىڭىز!
♦ ۆيرۋسولوگ: قازاقستاندا كوروناۆيرۋسقا قارسى پرەپاراتتار جاساۋعا مۇمكىنشىلىك بار
پىكىر قالدىرۋ