ەلباسىنىڭ بالالاردى وقۋمەن تولىق قامتۋ تۋرالى تاپسىرماسىن ورىنداۋ ماقساتىندا ماڭعىستاۋ وبلىسىندا اعىمداعى جىلدىڭ تامىز ايىنىڭ 1 مەن قىركۇيەكتىڭ 30-ى ارالىعىندا «مەكتەپكە جول» اكسياسىن «بالالارعا بىرگە كومەك كورسەتەيىك» ۇندەۋىمەن وتكىزۋ جوسپارلانىپ وتىر. بۇل اكسيا ەلىمىزدىڭ تۇكپىر-تۇكپىرىندە سەگىزىنشى  رەت وتكىزىلگەلى تۇر.

بيىلعى جىلى اكسيا «بالالارعا بىرگە كومەك بەرەيىك» اتتى ۇرانىمەن وتەدى.

اكسيانىڭ ماقساتى -  جەتىم، اتا-اناسىنىڭ قامقورلىعىنسىز قالعان،  از قامتىلعان،  كوپبالالى وتباسىلاردان شىققان وقۋشى بالالارعا  جاڭا وقۋ جىلىنا دايىندىق ۋاقىتىندا قولداۋ كورسەتۋ جانە الەۋمەتتىك سەبەپتەرمەن 1 قىركۇيەكتە  مەكتەپكە سەبەپسىز كەلمەي قالۋدىڭ الدىن الۋ.

وسىعان بايلانىستى تۇرعىنداردى اقپاراتتاندىرۋ، سونداي-اق بيزنەس-قۇرىلىمداردى، ۇكىمەتتىك ەمەس ۇيىمداردى جانە مەملەكەتتىك ورگانداردى اكسياعا قاتىسۋعا تارتۋ ماقساتىندا كەلەسى ءىس-شارالاردى وتكىزۋى جوسپارلانىپ وتىر:

-  PR-كامپانيالاردى (ايماقتىق باسپا ءسوز كونفەرەنسيالارىن، اقپاراتتىق بۇرىشتاردى، باننەرلەردى ورناتۋ، پلاكاتتاردى، ءۇنپاراقتاردى جانە ت.ب.) وتكىزۋ، اكسيانى وتكىزۋ كەزەڭىدە باق-تىڭ نازارىن كەڭىنەن اۋدارۋ؛

- مەكتەپكە دايىنداۋ كەزىندە مەكەنجايلارى بويىنشا الەۋمەتتىك قولداۋدى قاجەت ەتەتىن وقۋشىلارعا كومەك كورسەتۋ ءۇشىن شەفتىك رەتىندە مەملەكەتتىك ورگاندار مەن ۇيىمداردى، بيزنەس-قۇرىلىمداردى بەكىتۋ؛

- دالەلسىز سەبەپتەر بويىنشا مەكتەپكە بارماي جۇرگەن بالالاردى انىقتاۋ ماقساتىندا ءىىد بىرلەسە وتىرىپ «تۇنگى قالاداعى بالالار» (قوعامدىق ورىندار، كومپيۋتەرلىك كلۋبتار) رەيدتەرىن ۇيىمداستىرۋ جانە وتكىزۋ؛

 - جاڭا وقۋ جىلدىڭ الدىندا مەكتەپ تاۋارلارىنىڭ جارمەڭكەسى وتكىزۋ جانە ت.ب.

كومەك جانە كەڭەس كەرەك وتباسىلارعا مەن بالالارعا ارنالعان وقۋ ورگاندارىندا جەدەل جەلى تەلەفوندارى مەن قوعامدىق قابىلداۋ بولمەلەرى جۇمىس ىستەيدى(ماڭعىستاۋ وبلىسىنىڭ ءبىلىم باسقارماسىنىڭ سەنىم تەلەفونى: 31-86-33).

«مەكتەپكە - وقۋلىقپەن» رەسپۋبليكالىق اكسياسىن وتكىزۋ - وقۋ جىلى قارساڭىندا ءار وقۋشىنى وقۋلىقتارمەن قامتاماسىز ەتۋ شارالارىنىڭ ءبىرى.

اكسيانىڭ تاقىرىبى: مەكتەپكە - وقۋلىقپەن!

اكسيانىڭ ماقساتى. وقۋشىلاردى وقۋلىقتارمەن قامتاماسىز ەتۋ. كىتاپحانالار مەن كىتاپحاناشىلاردىڭ قوعامدىق دارەجەسىن ارتتىرۋ.

اكسيانىڭ ماقساتتى توپتارى: وقۋشىلار، مۇعالىمدەر، اتا-انالار، مەكتەپ كىتاپحاناشىلارى، ۇكىمەتتىك ەمەس ۇيىمدار، جەرگىلىكتى اتقارۋشى ورگاندار، مەسەناتتار.

اكسيانى وتكىزۋ مەرزىمى: 2015 جىلعى 1 تامىز -   1 قىركۇيەك. 

اكسيا كەزەڭدەرى:

1-كەزەڭ «كىتاپ قورىن تەكسەر!» –1 -7 تامىز

2-كەزەڭ «مەكتەپكە - وقۋلىقپەن!»  –10 -18 تامىز

3-كەزەڭ «سىيلىققا - وقۋلىق!» – 18 تامىزدان 1 قىركۇيەككە دەيىن.

ماڭعىستاۋ وبلىسىنىڭ ءبىلىم باسقارماسى