الماتى. قامشى پورتالى – استانا  كۇنىنە تارتۋ 75 نىسان اكسياسى اياسىندا قازىعۇرت اۋدانىندا ءۇش ءبىلىم وشاعى ەل يگىلىگىنە بەرىلدى. بۇدان بولەك بۇل كۇنى اكىمدىككە قاراستى قۇرلىمدىق مەكەمەلەردە اشىلدى. ەندى تيپتىك ۇلگىدەگى جاڭا عيماراتتار اۋىلدارعا ەرەكشە كورىك بەرەتىن بولادى. التىنتوبە اۋىلدىق وكرۋگىنە قاراستى قوساعاش ەلدى مەكەنىندەگى 328 وقۋشى جاڭا وقۋ جىلىندا جاڭا مەكتەپكە باراتىن بولدى. 300 ورىنعا لايىقتالىپ سالىنعان عيمارتتىڭ قۇرلىسىنا وبلىستىق بيۋدجەتتەن 470،2 ملن. تەڭگە قارجى جۇمسالدى. ال، قۇرىلىسى 2 جىلعا جۋىق جۇرگىزىلگەن. ساپاسىنا بەس جىلعا كەپىلدىك بار. سونىمەن قاتار تۇربات اۋىلدىق وكرۋگىنە قاراستى ەڭبەك ەلدى مەكەنىندە دە 200 وقۋشىعا ارنالعان جاڭا مەكتەپ اشىلدى.سوڭعى ۇلگىدە سالىنعان ءبىلىم وشاعىندا فيزيكا، حيميا، ەڭبەك سىنىپتارى تولىقتاي جاڭا ۇلگىدەگى تەحنيكالىق جابدىقتارمەن جاراقتالعان. ياعني شاكىرتتەردىڭ تەرەڭ ءبىلىم الۋىنا بارلىق مۇمكىندىك بار. بۇدان بولەك قاراباۋ اۋىلدىق وكرۋگىنە قاراستى ءۇشبۇلاق ەلدى مەكەنىندە 300 ورىندىق ءبىلىم وشاعى پايدالانۋعا بەرىلدى. قۇلمات ومىرالييەۆ ەسىمىن العان مەكتەپ تولىقتاي زاماناۋي قۇرال-جابدىقتارمەن قامتىلعان. ايتا كەتۋ كەرەك، بيىل اۋدان دا التى بىردەي ءبىلىم وشاعىنىڭ قۇرىلىسى باستالماق. بۇيىرتسا، ونىڭ بارلىعى كەلەسى جىلى پايدالانۋعا بەرىلەدى دەپ كۇتىلىپ وتىر.

دەرەككوزى: shymkenttv.kz