ق ر مەملەكەتتىك حاتشىسى م.م.تاجينگە اشىق حات قۇرمەتتى مارات  مۇقانبەتقازى ۇلى! قازاق ءتىلىنىڭ مەملەكەتتىك مارتەبەسىنىڭ اياققا باسىلعانى سونداي، ونى كەز كەلگەن كولدەنەڭ كوك اتتى مازاققا اينالدىراتىن بولدى. مەملەكەت ءوزىنىڭ قارىم-قاتىناس  قۇرالى رەتىندە قازاق ءتىلىن قورعاي الماۋ ارقىلى مەملەكەتتىك مارتەبەنىڭ مازاققا ۇشىراپ وتىرعانىنا نازار اۋداراتىن مەزگىل قاشان تۋماق؟   ەندى قازاق ءتىلى مەملەكەت پەن حالىقتىڭ اراسىنداعى قاتىناس  قۇرالى ەسەبىندە قالىپتاسپاعانى بىلاي تۇرسىن، ونى كەيبىر قاسكويلەر ەلدەگى ۇلتارالىق، ەتنوسارالىق، ادامارالىق قاتىناستاعى ەڭ داۋلى نىسانعا اينالدىرۋعا شەبەر بولىپ الدى. جانە بۇل جاعدايلاردا زارداپ شەگەتىن دە، جازالاناتىن دا قازاق ءتىلىنىڭ تۇتۋشىلارى عانا بولىپ وتىرعانىن ءسىز جاقسى ءبىلۋىڭىز كەرەك. مەملەكەتتىك ورگاندار مەن ۇيىمداردىڭ،مەكەمەلەردىڭ مەملەكەتتىك قىزمەتشىلەردىڭ بۇل ءتىلدى قورلاعانى ازداي، ەندى كوممەرسيالىق ۇيىمدار ءقازاقتىلدى ازاماتتاردىڭ قۇقىقتارىن كورەر كوزگە ماسقارا ەتەتىن جاعدايعا دۋشار بولدىق. بۇل جايت قازاقتاردى بىلاي قويعاندا، ءقازاقتىلدى قازاقستاندىقتاردىڭ ءوز ەلىندە، ءوز جەرىندە كۇندەلىكتى قورلانۋ نورماسىنا اينالدى. مەملەكەت بۇنى كورمەگەندەي كەيىپ تانىتىپ وتىر. بۇدان ءارى ءقازاقتىلدى ازاماتتار ءوز ءتىلى ارقىلى امالسىز ازاماتتىق قورعانىسقا كوشۋگە ءماجبۇر بولۋدا. الايدا بۇل تاۋەلسىز قازاقستان ءۇشىن مەملەكەتتىك مىندەتتىڭ اتقارىلماي وتىرعانىن الەمگە جاياتىن جاعداي ەكەنىن ەسكەرتە وتىرىپ، كەشە عانا ورىن العان سكات اۋە كومپانياسىنىڭ قىزمەتشىلەرى ەلدەگى بەلگىلى جۋرناليست، بەدەلدى كاسىپكەر، ابىرويلى ازامات جارىلعاپ قالىبايدى مورالدىق سوققىعا جىعىپ، قاماۋعا الۋعا ءبارىن ىستەپ باققانىنا بۇكىل حالىق كۋا. بۇل وقيعا ەلدە ءبىرتىلدى ورتانىڭ دەگەنى بولىپ تۇرعانىن ءوزىمىز تۇگىلى الەمگە كورسەتىپ وتىر. وزىڭىزگە ءمالىم، بۇدان بىرنەشە جىل بۇرىن ءقوستىلدى، ودان كەيىن ءۇشتىلدى ءبىلۋ ارقىلى ءمونوتىلدى مونوپوليستىك ىشكى ساياسي سيپاتتى بۇزۋعا باعىتتالعان ەلباسى ن.نازاربايەۆتىڭ باستاماسى اياقاستى قالدى. ءالى كۇنگە ەڭ بولماسا قوعامدىق ورتادا قوس ءتىلدى بىلۋگە ءتيىستى ماماندار مەن قىزمەتشىلەردىڭ ءتىزىمىن ۇكىمەت بەكىتپەي كەلەدى.  كوپەتنوستى قازاقستان ءۇشىن ىشكى ساياساتتىڭ ارقاۋى بولىپ تابىلاتىن ءتىل ساياساتىنىڭ بىردەن ءبىر جاۋاپتى ءارى ۋاكىلەتتى ورگانىنىڭ باسشىسى كەزدەيسوق تاعايىندالىپ، بۇل سالاداعى ماسەلە قوردالانعان ۇستىنە كۇردەلەنە تۇسۋدە. ءتىل كوميتەتى - بىلىكتى دە ناقتى شەشىم قابىلداپ، احۋالعا سايكەس ناتيجەلى ءىس-شارا ۇيىمداستىراتىن باسشىعا ءزارۋ عانا ەمەس، مارتەبەسى تۇسىنىكسىز ورگان. ونىڭ ۇستىنە ءتىل ساياساتىنا قاتىستى ۇيىمدار مەن مەكەمەلەر ءبىلىم جانە عىلىم، مادەنيەت جانە اقپارات مينيسترلىكتەرى مەن وبلىس اكىمدىكتەرىنىڭ اراسىندا شاشىلىپ ءجۇر، تياناقتى دا، تەگەۋرىندى تۇتاسقان ساياسات جۇرگىزەتىن قۇرىلىم جۇيەسى جوق.             ءبىز، قازاقستاننىڭ ازاماتتارى رەتىندە دە، قازاق حالقىنىڭ وكىلى رەتىندە دە بۇدان ارى مۇنداي قورلىققا شىداي المايتىنىمىزدى ەسكەرتەمىز. مەملەكەت ءوز مىندەتىنە، ەلدەگى قۇقىقتىق-تارتىپتىك ادىلەتكە ارالاسپاسا، امالسىز ازاماتتىق كۇش-جىگەرگە جۇگىنەمىز.سەبەبى، قازاقستاننىڭ بەيبىت ومىرىنە ءتىل ماسەلەسىن تالعاجاۋ ەتىپ، شىرقىن بۇزۋعا يتەرمەلەيتىن  جاعدايعا قول قۋسىرىپ قاراپ وتىرۋعا ءبىزدىڭ ءداتىمىز شىدامايدى. ەل – ورتاق، جەر – ورتاق، وتان – ورتاق.             ءسىزدى ەلدەگى يدەولوگيالىق ىشكى ساياسات سالاسى بويىنشا قۇزىرەتتى تۇلعا رەتىندە اتالمىش وقيعانى بولىپ وتكەن پرەسەدەنت رەتىندە ەمەس، ەلدەگى ىشكى ساياساتتىڭ بارىنشا شيرىققان كورىنىسى ەسەبىندە باعالاپ، ونىڭ بۇدان ءارى كۇردەلى جايتتارعا ەلدى دۋشار ەتپەۋى جولىندا ناقتى شەشىم قابىلداۋعا ءتيىستى ۇيىمدار مەن ورگانداردى جۇمىلدىرادى دەگەن سوڭعى ءۇمىتىمىز قالدى. بۇل ۇندەۋدى ن.نازاربايەۆتىڭ «ءبىر ەل، ءبىر تاعدىر، ءبىر حالىق» تۇجىرىمىن قولداي وتىرىپ، ەگەمەن ەلدىڭ كەلەسى دامۋ ساتىسىنا ءوتۋ جولىنداعى ازاماتتاردىڭ جان داۋىسى دەپ ۇعىڭىز. قۇرمەتپەن، قازاقستان ازاماتتارى: سەرىك جولداسباي ساعات ءجۇسىپ سەرىك ەرعالي نۇرعالي ءجۇسىپباي تولەن رامازان ۇلى راسۋلHYPERLINK "https://www.facebook.com/profile.php؟id=100001971955237" HYPERLINK "https://www.facebook.com/profile.php؟id=100001971955237"جHYPERLINK "https://www.facebook.com/profile.php؟id=100001971955237"ۇمالى ەماتيزماگانبەتوۆ ساعىنىشماحادييەۆا ابدىحالەلنىعمەت Burkit Ahmet Alyaz ابزالقۇسپان، ادۆوكات، بقوادۆوكاتتارالقاسىنىڭمۇشەسى ساۋلەمەشىتباي قىزى ناعاشىبايقابىلبەكوۆ ەرعازىسەيتقالي انارالاتيف قىزى قۇرمانعالينۇرعالي ءادىلحانقىدىرباي ايزاتراقىشيەۆا سەرىكسىزدىق رۋزابەيسەنبايتەگى ايازگۋل تەميروۆا قازىبەك قۇتتىمۇرات ۇلى تاسبولات ارمان Aisulu Tolek ب ا ق قاسىم قىزى امانگەلدى قۇرمەت ۇلى ·  ساراش قوڭىربايەۆا ساراش ساحي قىزى  ساراش قوڭىربايەۆا راحاتدين ورالباي ۇلى ءتاجى   Rahymzhan Bazarbayuly Beknazar قولدايمىن !   مۇحتار باقىت Mukhtar Bakhyt نۇرلان ءسادىر ءسادىر نۇرلان قۋانىش ۇلى احمەتبەك نۇرسيلا احمەتبەك نۇرسيلا Orynbassar Begalina ورىنباسار ابۋساعيت قىزى بەگالينا سارسەنبەك بەيسەنبەك ۇلى سارسەنبەك بەيسەنبەك ۇلى قاسىم امانجول ۇلى قاسىم امانجول ماقسات ءىلياس ۇلى ماقسات ءىلياس ۇلى Mukhambedia Akhmetov مۇحامبەديا احمەت-تورە ۇلى، استانا مەديسينا ۋنيۆەرسيتەتى، پروفيلاكتيكالىق مەديسينا كافەدراسىنىڭ پروفەسسورى. ەسبولات ايدابوسىن ەسبولات ايدابوسىن جۋرناليست