ءبىلىم ساپاسىن قامتاماسىز ەتۋ بويىنشا تاۋەلسىز قازاقستاندىق اگەنتتىگى (بسقتقا) ەلىمىزدىڭ  ەڭ ۇزدىك جوعارى وقۋ ورىندارىنىڭ ۇلتتىق رەيتينگىن جاريالادى. بۇل تۋرالى "قامشى" اقپاراتتىق پورتالى inform.kz-كە  سىلتەمە جاساي وتىرىپ حابارلايدى.

بۇل ۇلتتىق رەيتينگ تۋرالى اگەنتتىك پرەزيدەنتى شولپان قالانوۆا اتاپ وتكەندەي: «جوعارى ءبىلىم بەرۋ ساپاسىن ارتتىرۋ قۇرالى، بۇل جوو قىزمەتىنىڭ  تيىمدىلىگىن سالىستىرۋدىڭ بەلگىلى ءبىر تەتىگى» جانە مەكتەپ تۇلەكتەرى مەن جۇمىس بەرۋشىلەردىڭ ۇزدىك وقۋ ورنىن تاڭداۋىنا باعىت-باعدار بەرەدى.

 بيىل سەگىزىنشى رەت ءوتىپ وتىرعان  رەيتينگىگە ەلىمىزدىڭ 60 جوعارى وقۋ ورنى قاتىسقان. ۇزدىك بەس جوعارى وقۋ ورنىنىڭ كوش باسىندا،ياعني ءبىرىنشى ورىندا ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى تۇر. ەكىنشى ورىندا ءال-فارابي اتىنداعى قازاق ۇلتتىق ۋنيۆەرسيتەتى، ءۇشىنشى جانە ءتورتىنشى تۇعىرعا م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى مەن  ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتى ورنالاستى. بەسىنشى ورىندى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتى يەلەندى. ەڭ ۇزدىك تەحنيكالىق جوو بولىپ، قازاق-بريتان تەحنيكالىق ۋنيۆەرسيتەتى  تانىلدى.

رەيتينگتى انىقتاۋ بارىسىندا كۇندىزگى بولىمدە وقيتىن ستۋدەنتتەردىڭ جانە  ءبىلىم بەرۋ تاپسىرىسى نەگىزىندە وقيتىن ستۋدەنتتەردىڭ ۇلەسى، ماگيسترانتتار مەن Ph'D دوكتورانتتار سانى، ءبىلىم الۋشىلاردىڭ وقۋ جەتىستىكتەرىنىڭ دەڭگەيى، حالىقارالىق جانە رەسپۋبليكالىق دەڭگەيدەگى جەتىستىكتەرى جان-جاقتى سارالاندى . 

"قامشى" سىلتەيدى