اقتوبە وبلىسى اكىمىنىڭ ورىنباسارى ر.حامباروۆ وبلىس اۋماعىندا جۇيكە اۋرۋىمەن اۋىراتىن تۇلعالار تاربيەلەنىپ جاتىرعان الەۋمەتتىك قىزمەت كورسەتۋ ورتالىعىن ارالاپ، ورتالىق تۇرعىندارىمەن كەزدەسىپ، جاعدايلارىن تىڭداپ، كارانتيندىك شەكتەۋلەر ۋاقىتىندا جاسالىپ جاتىرعان شارالارمەن تانىستى. ورتالىق تۇرعىندارىنىڭ دەنساۋلىعىنىڭ ەڭ نەگىزگى ماسەلە ەكەندىگىن اتاپ ءوتتى، ىندەتتىڭ الدىن الۋ ماقساتىنداعى جۇمىستى ۇيلەستىرۋ، قاجەتتى جاعداي جاساۋ، ءدارى دارمەكپەن قامتاماسىز ەتۋ ۇنەمى جەرگىلىكتى اتقارۋشى ورگاننىڭ باقىلاۋىندا بولاتىندىعىن جەتكىزدى. 

بيىل ورتالىقتىڭ جىلۋ جۇيەسىن جوندەۋ جۇمىستارىن جۇرگىزۋ ءۇشىن جوبالىق سمەتالىق قۇجاتتاردىڭ جاسالىپ جاتىرعاندىعىن، اكىمشىلىك عيماراتى سالۋ ارقىلى قوسىمشا جاتىن ورىندارىنىڭ اشىلاتىندىعىن، ماتەريالدىق تەحنيكالىق بازاسىنىڭ كەزەڭ كەزەڭمەن جاڭارتىلاتىندىعىن جەتكىزدى. 
وبلىس اكىمىنىڭ ورىنباسارى رۋسلان حامباروۆ ورتالىق تۇرعىندارىنا قولايلى جاعدايىن تۋعىزۋ الەۋمەتتىك قورعاۋدىڭ ماڭىزدى تەتىگى بولۋى كەرەك دەدى. 
سونىمەن قاتار ورتالىق جانىنان قۇرىلعان قوعامدىق كەڭەس مۇشەسى ، وڭىرگە تانىمال تۇلعا م.قويلىبايەۆ قوعام تاراپىنان ورتالىق قىزمەتىنىڭ باقىلاۋدا بولاتىندىعىن، ورتاق ماسەلەلەردىڭ بىرىگىپ شەشۋ قاجەتتىگىنە نازار اۋداردى.
الەۋمەتتىك قىزمەت كورسەتۋ ورتالىعى تۇرعىندارىنىڭ دەنساۋلىقتارى قالىپتى دەڭگەيدە، تۇرعىندار مەن قىزمەت كورسەتۋشىلەر ارنايى تەكسەرىستەن وتكىزىلدى، جاعداي تۇراقتى.