بالاسى جوعارى مەكتەپ تابالدىرىعىن اتتاسا، ات شاپتىرىپ، توي جاساپ، دۋمانداتاتىن حالىقپىز. «مامان اتانادى، ۇشپاققا ۇشىرادى»-، دەپ جانىن قۋانىش كەرنەپ،  بالاسى ءۇشىن بارىن بەرىپ باقىتتىڭ باۋىرىندا جۇرەتىن قازاقپىز. قايتپەك كەرەك، اۋىلدان اسا المايتىن قارا دومالاعى  قالانىڭ قاق ورتاسىنان قالاۋىنىڭ قاسپاعىن قارماپ، جوعارى مەكتەپ شاكىرتى اتانىپ جاتسا، قۋانسىن، قۋانباعان دا شە...

مەنىڭ ءبىر تانىسىم بار ەدى، ءوزى ساۋداگەر. «ۇيىمدە تاباقتاي قىزىل ديپلومىمى بار»،- دەپ ماقتاناتىن دا جۇرەتىن.  ناقتىسىنا نانۋ ءۇشىن ادەيىلەپ كورۋگە باردىم. شىن ەكەن، قازۇپۋ-دىڭ بىلدەي  ءبىر فيزيكا-ماتەماتيكالىق فاكۋلتەتىنىڭ تۇلەگى ەكەن. تۇسىنگەنىم، تۇيگەنىم- گرانتپەن وقىعان، ءوزى اجەپتەۋىر جاقسى باعامەن باعالانعان، جاقسى تۇلەكتەردىڭ ءبىرى. "وسىنداي ديپلوممەن نەگە ساۋدامەن اينالىسىپ ءجۇرسىڭ؟"-دەپ ەدىم، سۇراعىما قىرىن قاراپ:"ءمۇعالىمنىڭ ءبىر ايلىق الاتىن 50 مىڭى- مەنىڭ ءبىر كۇندىك تابىسىمنىڭ قۇنى عوي. 50 مىڭنىڭ سوڭىنان 1 اي سالپاقتاعانشا، ساۋداگەر بولىپ تاپقان قاراجاتىم قاۋقارلى ەمەس پە؟" دەيدى كەيىپ.

مەن مەكتەپ قابىرعاسىندا جۇرگەندە ماتەماتيكادان  ساباق بەرەتىن ءبىر ەگدەلەۋ ءمۇعالىم بار ەدى. سول كىسى ءبىر ساباق اراسىندا:"وسى مۇعالىمدەر انا دۇنيەگە بارعاندا،-دەيتىن(يەگىمەن كوتەرىپ،نۇسقاپ) -قىل كوپىردەن ۇشىپ ءوتىپ كەتەدى دەيدى قينالماي. ءبىزدىڭ قازاقستان مۇعالىمدەرىنە قىل كوپىر تۇگىل، توزاق  راحات بولىپ سەزىلەتىن شىعار، ءتايىرى،»-دەپ.   سوندا ويلاۋشى ەدىم، ۇلكەن كىسى ايتەۋىر انانى - مىنانى ۇگىتتەي بەرەدى ەكەن-اۋ دەپ،  ءقازىر ويلاسام، جەتپەيتىن جەتەسىز قاراجاتى ءۇشىن كۇيىنگەنى ەكەن عوي.  

بيلىكتىڭ بيىگىندە وتىرىپ حالىق قامىن ويلار اكىم دە، بازاردا اربا تارتقان قارا دا  "ا" دەگەن ارىپتەن باستالاتان ءبىلىمدى الدىمەن اناسىنان، ونان سوڭ مەكتەپ تابالدىرىعىن اتتاپ، ساۋاتىن اشىپ، ساناسىنا جەتكىزگەن مۇعالىمنەن سىڭىرىەدى. بيلىكتەگى اق جەيدەلىلەر ساۋاتىن اشىپ، ساباق الىپ جۇمساق كرەسلوعا وتىرۋىنا سەبەپ بولعان ساليقالى جاننىڭ جاعدايىمەن ءبىر ءسات ساناسىپ قويسا بولار ەدى-اۋ...

گۇلدەن ءابدىباقىت