«Nur Otan» پارتياىشىلىك ىرىكتەۋ شەڭبەرىندەگى ونلاين-داۋىس بەرۋدىڭ ءبىرىنشى كۇنىنىڭ ارالىق ناتيجەلەرىن جاريالادى. قازىرگى ساتتە Primaries اقپاراتتىق جۇيەسى ارقىلى 300 مىڭنان استام پارتيا مۇشەسى ۇمىتكەرلەرگە داۋىس بەردى.

بۇل رەتتە، سايلاۋشىلار ءتورت تاسىلمەن: ارنايى ءموبيلدى قوسىمشا ارقىلى، primaries.kz سايتى ارقىلى، سايتتا ونلاين داۋىس بەرۋ ارقىلى نەمەسە ينتەرنەتكە كىرۋ مۇمكىندىگى جوق ۋچاسكەلەردە ءداستۇرلى قاعاز بيۋللەتەندى پايدالانۋ ارقىلى داۋىس بەرە الادى.

ال سايلاۋ ۋچاسكەلەرىندە داۋىس بەرۋ سايلاۋشىلار ءۇشىن 3 قازان كۇنى ساعات 08:00-دە باستالىپ، 14:00-گە دەيىن سوزىلادى. پرايمەريز وتكىزۋ ەرەجەسىندە ءار ۇمىتكەر تاراپىنان تاۋەلسىز باقىلاۋشىلاردىڭ قاتىسۋى قاراستىرىلعان، ولاردىڭ مىندەتتەرى مەن وكىلەتتىكتەرىن انىقتايتىن ەرەجە بەكىتىلگەن.

پارتيا باسپا ءسوز قىزمەتى تاراتقان اقپاراتقا سايكەس، «Nur Otan» پرايمەريزىنە 10 مىڭنان استام كانديدات قاتىسۋدا. ەلىمىزدە ءبىر ورىنعا ورتاشا العاندا ءتورت ادام ۇمىتكەر بولىپ وتىر. كانديداتتاردىڭ 70%-ى – ءوزىن-وزى ۇسىنعاندار، مىڭعا جۋىعى – پارتيانىڭ جاڭا مۇشەلەرى. 37% - ايەلدەر، 29% – 35 جاسقا دەيىنگى جاستار. قاتىسۋشىلاردىڭ ورتاشا جاسى – 43 جاس.

پرايمەريزگە قاتىسۋشىلار ءبىر اي ىشىندە 1،3 ميلليوننان استام ادامدى قامتىعان 57 مىڭنان استام ۇگىت-ناسيحات شارالارىن وتكىزدى.

پرايمەريز ناتيجەلەرى كانديداتتاردىڭ رەيتينگتەرى كورسەتىلە وتىرىپ، 5 قازاندا جاريالانباق.