تەڭگەنىڭ كۇرت قۇلدىراۋىنا بايلانىستى قازاقستان حالقىنىڭ بانكتەردەن العان نەسيەسى 10 تريلليون 711 ميلليارد تەڭگەنى قۇرايدى. بۇل تۋرالى "قامشى" اقپاراتتىق پورتالى "نۇر.كز"-كە سىلتەمە جاساي وتىرىپ حابارلايدى.

ۇلتتىق بانكتىڭ 1 شىلدەدەگى مالىمەتىنە جۇگىنسەك، بۇل سومانى قازاقستاندىقتاردىڭ  جان باسىنا شاققاندا ءار ادامعا 600 مىڭ تەڭگە نەسيەدەن اينالادى. بۇل قازاقستاننىڭ سىرتقى قارىزىن ەسەپتەمەگەندەگى اقشا.

مالىمەتكە سۇيەنسەك، كرەديتتەردىڭ 76 پايىزى تەڭگەمەن بولسا، 24 پايىزى شەتەل ۆاليۋتاسىمەن ياعني دوللارمەن بەرىلگەن.  ديەۆالۆاسيادان سوڭ، كوبىرەك سوققى وسى شەتەل ۆاليۋتاسىمەن العان 24 پايىزعا تيگەن. رەسپۋبليكا بويىنشا، بۇكىل كرەديتتىڭ جارتىسىنان كوبى الماتى قالاسىنىڭ تۇرعىندارى العان. ال، بانكتەر بەرگەن بارلىق نەسيەنىڭ ۇشتەن ءبىر بولىگىن جەكە ادامدارعا تيەسىلى.

ءىرى كومپانيالاردى ايتپاعاندا، جەكە ادامداردىڭ ءوزى العان نەسيە دە اسا قوماقتى. 1 شىلدەدە رەسمي كۋرس 186 تەڭگە بولعانىن ەسكەرسەك، جەكە ادامداردىڭ كرەديتى 2 ميلليارد 140 ميلليون دوللارعا تەڭ بولاتىن. ەندىگى جەردە، ديەۆالۆاسيادان سوڭ تەڭگەنىڭ قۇلدىراۋىنا بايلانىستى نەسيەشىلەر  70 ميلليارد تەڭگە كولەمىندە زارداپ شەككەنمەن بىردەي.

گۇلدەن ءابدىباقىت