قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ راشيد تۇسىپبەكوۆتى قازاقستان رەسپۋبليكاسى جوعارى سوت كەڭەسىنىڭ ءتوراعاسى قىزمەتىنەن بوساتىپ، قازاقستان رەسپۋبليكاسى پارلامەنتى سەناتىنىڭ دەپۋتاتى ەتىپ تاعايىندادى. بۇل تۋرالى "قامشى" اقپاراتتىق پورتالى tengrinews.kz- كە سىلتەمە جاساي وتىرىپ حابارلايدى.
سونىمەن قاتار، مەملەكەت باسشىسىنىڭ جارلىقتارىمەن قازاقستان رەسپۋبليكاسى پارلامەنتى سەناتىنىڭ دەپۋتاتتارى سەرىك نوگەربەك ۇلى نوگەربەكوۆتىڭ جانە ەرلان زايروللا ۇلى ءنىعماتۋليننىڭ وكىلەتتىكتەرى توقتاتىلدى. جارلىقتاردىڭ ءماتىنىن "اقوردا" سايتى سارسەنبى كۇنى جاريالايدى.
"مەملەكەت باسشىسىنىڭ جارلىعىمەن راشيد تولەۋتاي ۇلى تۇسىپبەكوۆ قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى، ول قازاقستان رەسپۋبليكاسى جوعارى سوت كەڭەسىنىڭ ءتوراعاسى قىزمەتىنەن بوساتىلدى. مەملەكەت باسشىسىنىڭ جارلىقتارىمەن قازاقستان رەسپۋبليكاسى پارلامەنتى سەناتىنىڭ دەپۋتاتتارى سەرىك نوگەربەك ۇلى نوگەربەكوۆتىڭ جانە ەرلان زايروللا ۇلى ءنىعماتۋليننىڭ وكىلەتتىكتەرى توقتاتىلدى، - دەلىنگەن حابارلامادا.
راشيد تۇسىپبەكوۆ
سەرىك نوگەربەكوۆ
ەرلان نىعماتۋلين
