مەملەكەت باسشىسى «كونستيتۋسيا: بىرلىك، تۇراقتىلىق، وركەندەۋ» تاقىرىبىن ارقاۋ ەتكەن حالىقارالىق عىلىمي-تاجىريبەلىك كونفەرەنسيا بارىسىندا ؛ «قازاق حاندىعىنىڭ 550 جىلدىعىن تويلاۋ ارقىلى قازاقتىڭ حالىق، ۇلت رەتىندە اسپاننان سالبىراپ تۇسپەگەنىن بۇكىل الەمگە پاش ەتىپ وتىرمىز»،-دەپ ايتىپ ءوتتى. بۇل تۋرالى «قامشى» پورتالى Nur.kz-كە سىلتەمە جاساي وتىرىپ حابارلايدى.
«ەڭ باستىسى، ءوشىپ بارا جاتقان قازاقتىڭ ءتىلىن، تاريحى مەن مادەنيەتىن وركەندەتىپ، ءورىسىن كەڭەيتتىك. مەكتەپتەردىڭ كوپشىلىگىندە، جوعارى وقۋ ورىندارىندا ساباقتار قازاق تىلىندە وتەتىن بولدى. قازاق تىلىندە باسىلىمدار، كىتاپتار شىعارىپ، جەر شارىن تۇگەل ارالاپ، جيناپ، تاريحىمىزدى ورنىنا كەلتىرۋگە مۇمكىنشىلىك الدىق. ءوز ءتىلىمىزدى، ءدىنىمىزدى، ءدىلىمىزدى وركەندەتە وتىرىپ، ءبىز باسقالاردى كەمىتپەدىك، باسقالاردى تومەندەتپەدىك، قاتار ۇستاپ، ولاردىڭ دا قۇقىقتارىن سىيلادىق. مىنە، ءبىزدىڭ بىرلىگىمىز، ءبىزدىڭ تىنىشتىعىمىزدىڭ ارقاۋى وسى. مەنىڭ بىلۋىمشە، ءبىز «ۇلى دالا ەلى» دەپ سانالۋىمىز كەرەك. كەيبىرەۋلەر «اسپان استى ەلىمىز» دەيدى، كەيبىرەۋلەر «كءۇنشىعىس ەلىمىز»، دەيدى. ءبىز ۇلى دالانىڭ ۇرپاعىمىز. وسى دالانى ءبىزدىڭ اتا-بابامىز ساقتاپ، قان تءوگىپ، تەر تءوگىپ ۇستاپ قالعان. قازاقستان مەن «ۇلى دالا ەلى» ەكەۋى قاتار جءۇرسە، دۇرىس بولادى دەپ ويلايمىن. قازاق مادەنيەتى مەن تاريحى ەلىمىزدەگى بارشا ۇلىستاردىڭ رۋحاني ۇيىتقىسىنا اينالدى، اتاپ ءوتكەلى وتىرعان قازاق حاندىعىنىڭ 550 جىلدىعى وسىنىڭ ايقىن كءوءرىنىسى. ءتىل، تاريح جانە مادەنيەتتىڭ ۇندەسۋى ء-بىزدىڭ مىزعىماس رۋحاني تىرلىگىمىزدىڭ، ەل بىرلىگىنىڭ نەگىزى بولعانىن ءبارىمىز كورىپ وتىرمىز. اتا-بابالارىمىزدىڭ ۇلى تاريحى بار ەكەنىن الدىمەن ۇرپاعىمىزعا، ودان كەيىن بۇكىل الەمگە پاش ەتىپ وتىرمىز»- دەدى ەلباسى ءوز سوزىندە.
مەملەكەت باسشىسىنىڭ قازاق حاندىعىنىڭ 550 جىلدىعىنا قاتىستى بۇل پىكىرى كوپتەگەن شەنەۋنىكتەرگە وي سالادى دەگەن ۇمىتتەمىز. ەستەرىڭىزدە بولسا، «قامشى» پورتالىندا «ءبىرا-اق ادامى ويلانۋ قابىلەتىنە يە ەلدى بىلەسىز بە؟» دەپ اتالاتىن ماتەريال جارىق كورگەن بولاتىن. وندا ءبىز ەلباسى پىكىر بىلدىرمەگەن قاندايدا ءبىر ماسەلەگە باسقالاردىڭ دا وي قوسا قويۋى ەكىتالاي دەگەندى مەڭزەگەن ەدىك. ەندىگى كەزەكتە اتقا مىنگەندەر قازاقتاردى «ۇلى دالا ەلىنىڭ ۇرپاقتارى» دەپ ايتۋدان تايسالمايتىن شىعار دەگەن ۇمىتتەمىز.
اينۇر تولەۋ
