سوڭعى 8 جىلدان بەرى ماڭعىستاۋ وبلىسىنداعى «كازمورترانسفلوت» باستاۋىش پارتيا ۇيىمى قازاقستاندىقتاردى رەسەيدىڭ ءبىرقاتار وقۋ ورىندارىندا تەڭىز كاسىبىنىڭ قىر-سىرىن ءتانىپ-بىلۋ ماقساتىندا ءوز قارجىسىنا وقىتىپ كەلەدى.

باستاۋىش ۇيىمنىڭ ۇسىنىسى مەن باستاماسى بويىنشا وتانداستارىمىز رەسەيدەگى «ادميرال ف.ف.ۋشاكوۆ اتىنداعى تەڭىز مەملەكەتتىك ۋنيۆەرسيتەتىنىڭ» نوۆوروسسييسك، استراحان قالالارىنداعى فيليالدارى، سانكت-پەتەربۋرگ قالاسىنداعى «ادميرال س.و.ماكاروۆ اتىنداعى تەڭىز مەملەكەتتىك اكادەمياسىندا» تەڭىز كەمەسىن جۇرگىزۋ، كەمە قۇرىلىسى، ەلەكترومەحانيكا، كەمە جانە ەنەرگەتيكالىق قوندىرعىلاردى پايدالانۋ ماماندىقتارى بويىنشا 2007 جىلدان بەرى 117 ماماندى وقىتقان. 

ءبىرقاتار كۋرسانتتارىمىز وزدەرىنە جۇكتەلگەن جاۋاپكەرشىلىكتى اقتاپ، وقۋدا وزات دەپ تە تانىلىپ جاتىر. مىسالعا، 2012 جىلى ادميرال س.و.ماكاروۆ اتىنداعى «تەڭىز مەملەكەتتىك اكادەمياسى» وقۋ ورنىنىڭ 4ء-شى كۋرس كۋرسانتتارى سەرىك ۇلى ايدىن جانە ايتباي ازامات «ۇزدىك» بەلگىسىمەن ماراپاتتالعان. سونداي-اق ادميرال ف.ف.ۋشاكوۆ اتىنداعى تەڭىز مەملەكەتتىك ۋنيۆەرسيتەتىنىڭ استراحان قالاسىنداعى كاسپيي فيليالىندا وقيتىن 3-كۋرس كۋرسانتى سارسەنوۆ ارمان وقۋىندا جاقسى جەتىستىگى ءۇشىن العىس حاتپەن ماراپاتتالعان.

2010-2012 وقۋ جىلدارى بىتىرگەن العاشقى 24 تۇلەك «كازمورترانسفلوت» مەكەمەسىنە جۇمىسقا الىنىپ، قازىرگى تاڭدا جۇمىس جاساۋدا. «قازتەڭىزترانسفلوت» كومپانياسى باستاۋىش پارتيا ۇيىمىنىڭ قۇرامىندا بۇگىندە 40 ادام بار. باستاۋىش ۇيىم جەتەكشىسى ق.ەسەتوۆ ۇسىنعان ەكى ادام، وسى باعدارلاما بويىنشا وقىپ كەلگەننەن كەيىن، «قازتەڭىزترانسفلوت» كومپانياسىنا تەحنيكالىق دامىتۋ دەپارتامەنتىنە قىزمەتكە الىندى.

ولاردىڭ ىشىندە «قازتەڭىزترانسفلوت» كومپانياسىندا فلوتتى تەحنيكالىق دامىتۋ دەپارتامەنتىنىڭ ديرەكتورى بيمۋرزايەۆ سەرىكقالي كوپشىلباي ۇلى دا بولعان. ول 2014 جىلى سانكت-پەتەربۋرگ قالاسىنا تەڭىز وپەراسيالارىن وتكىزۋدەگى قاۋىپسىزدىك ماسەلەلەرى بويىنشا بىلىكتىلىگىن ارتتىرۋ ءۇشىن وقۋعا جىبەرىلگەن ەدى. الداعى جوسپارلارى جونىندە س.بيمۋرزايەۆ: «نۇر وتان» پارتياسىنىڭ مۇشەسى رەتىندە، العان ءبىلىمىمدى كتتف جۇمىسشىسى رەتىندە عانا ەمەس، سونداي-اق اسا جاۋاپتى ءارى قاجەتتى ىسپەن اينالىساتىن پارتيا مۇشەسى رەتىندە، وتاندىق ساۋدا فلوتىن قۇرۋعا قولدانۋعا تىرىسامىن. ەلباسىمىز اتاپ وتكەندەي، زاماناۋي ءارى دامىعان مەملەكەت قۇرۋ جولىندا ءبىز ءاردايىم وقىپ، بىلىكتىلىگىمىزدى ارتتىرۋىمىز ءتيىس، وسى جاعدايدا عانا ءبىز باسەكەگە قابىلەتتى مەملەكەت بولىپ، الەمنىڭ 30 دامىعان ەلدەرى قاتارىندا لايىقتى ورىنعا يە بولا الامىز»،- دەيدى.

وسى دەپارتامەنتتىڭ باس مامانى اشىمبايەۆ ابىلسەيىت ابىلايحان ۇلى دا بىلىكتىلىگىن ارتتىرۋ ماقساتىندا 2014 جىلى سانكت-پەتەربۋرگ قالاسىنا جىبەرىلگەن بولاتىن. «ءبىز قازىرگى تاڭدا ەلىمىز ءۇشىن مۇلدەم جاڭا سالا – تەڭىز ساۋدا فلوتى سالاسىن قالىپتاستىرۋدىڭ الدىڭعى شەبىندە تۇرعانىمىزدى جەتە تۇسىنەمىز. ءبىز وتاندىق ساۋدا فلوتىن قۇرۋ ءىسىن ماڭىزدى پارتيالىق تاپسىرما رەتىندە قاراستىرامىز، جانە دە ونى سوڭىنا دەيىن جەتكىزۋگە جىگەرىمىز جەتكىلىكتى» - دەپ ءوز ويىمەن ءبولىستى ءا.اشىمبايەۆ.

ايتا كەتەرلىگى، «نۇر وتان» پارتياسى 2015 جىلدى باستاۋىش پارتيا ۇيىمدارىمەن تىعىز جۇمىس جاساۋ اياسىندا وتكىزەدى. بۇگىنگى كۇنى پارتيا قاتارىندا 5700 باستاۋىش پارتيا ۇيىمدارىنا بىرىككەن 860 مىڭ مۇشە بار. ءاربىر 9-شى سايلاۋشى – «نۇر وتان» پارتياسىنىڭ مۇشەسى.

«نۇر وتان» پارتياسى «ۇزدىك باستاۋىش پارتيا ۇيىمى» رەسپۋبليكالىق بايقاۋىن جاريالادى. بۇل بايقاۋ پارتيا تاريحىندا العاش رەت وتكىزىلگەلى جاتىر. وڭىرلەردەگى ۇزدىك 9 بپۇ جەڭىمپاز اتاناتىن بولادى. سايىستىڭ باستى ماقساتتارى – ۇزدىك باستاۋىش پارتيا ۇيىمدارىن انىقتاپ، ولاردىڭ جۇمىس تاجىريبەسىن ەلىمىزدىڭ بارلىق وڭىرلەرىنە تاراتۋ، كاسىبي دەڭگەيى جوعارى ءارى ەڭ بەلسەندى باستاۋىش ۇيىم ءتوراعالارىنىڭ اراسىنان الداعى ۋاقىتتا پارتيالىق جانە باسقا دا سايلانبالى قىزمەتتەرگە ۇسىنۋ ءۇشىن پارتيالىق كادرلار رەزەرۆىن قالىپتاستىرۋ.

باستاۋىش پارتيا ۇيىمدارىنىڭ قىزمەتىمەن Nurotan.kz سايتىندا تولىعىراق تانىسا الاسىزدار.