الماتى. قامشى پورتالى -   بيىل وقو-دا ءبىلىم بەرۋدى دامىتۋعا 184 ملرد. 900 ملن. تەڭگەدەن استام قاراجات ءبولىندى، دەپ حابارلادى وبلىستىق اكىمدىك باسپا ءسوز قىزمەتى.

بۇل قاراجات وبلىستىق جانە رەسپۋبليكالىق بيۋدجەتتەردەن ءبولىندى. سونىمەن، وقو ءبىلىم بەرۋ باسقارماسىنىڭ باسشىسى البينا ەلشييەۆانىڭ دەرەكتەرىنە سۇيەنسەك، 23 ملرد. تەڭگەدەن استام قاراجات 104 ءبىلىم بەرۋ نىسانىن سالۋعا ءبولىندى، بيىل ولاردىڭ 32ء-سى پايدالانۋعا بەرىلدى. ءۇش اۋىسىمدىق ءۇش مەكتەپتىڭ، 29 اپاتتى مەكتەپتىڭ پروبلەمالارى شەشىلدى. ساماننان سالىنعان مەكتەپ سانى ازايدى، وڭىردە ءقازىر ولاردىڭ سانى 153.

سونداي-اق، ءبىلىم بەرۋ باسقارماسى باسشىسىنىڭ دەرەكتەرىنە سۇيەنسەك، بيىل 6 ملرد. 800 ملن. تەڭگە 10 مەكتەپتى كۇردەلى جوندەۋگە بولىنگەن، 697 مەكتەپتە سوماسى 301 ملن. تەڭگەگە اعىمداعى جوندەۋ جۇرگىزىلدى. وڭىردە مەكتەپكە دەيىنگى ءبىلىم بەرۋ سالاسىندا دا جەتىستىكتەر بار. ولار 78،3 پايىز بالانى قامتىدى. 1454 بالاباقشانىڭ 647ء-سى جەكەمەنشىك بولىپ تابىلادى.

باسپا ءسوز قىزمەتىندە ءبىرىڭعاي ۇلتتىق تەستىلەۋ ناتيجەلەرى دە ايتىلدى. كورسەتكىش وتكەن جىلمەن سالىستىرعاندا، جاقسى بولدى.

البينا ەلشىبايەۆا بەرگەن دەرەكتەرگە سۇيەنسەك، ۇزدىك بەلگىنى 608 تۇلەك يەلەندى. 96 ادام حالىقارالىق وليمپيادانىڭ جەڭىمپازى رەتىندە تەست تاپسىرۋدان بوساتىلدى.

«ءبىلىم بەرۋ قىزمەتكەرلەرىنىڭ الدىندا ۇلكەن مىندەت تۇر، - دەدى وقو اكىمى بەيبىت اتامقۇلوۆ. - ءبىز ءۇش ءتىلدى ءبىلىم بەرۋ جۇيەسىنە كوشۋىمىز قاجەت. بۇل ءۇشىن جاس بىلىكتى ماماندار قاجەت. ءقازىر پەداگوگتار وقۋ جىلىنا دايىندىق ۇستىندە. ولار ساباق جۇرگىزىپ قانا قويماي، كامەلەتتىك جاسقا تولماعاندار اراسىندا قىلمىستىڭ الدىن الۋ ءۇشىن اۋقىمدى تاربيە جۇمىستارىن جۇرگىزۋى قاجەت».

باسپا ءسوز قىزمەتىندە ءقازىر وبلىس مەكتەپتەرىندە «بىرلەسىپ بالالارعا كومەكتەسەمىز» اتتى قايىرىمدىلىق اكسياسى وتۋدە ەكەنىن اتاپ ءوتتى. ءارى 1 قىركۇيەكتە ءبىرىنشى سىنىپ وقۋشىلارى پرەزيدەنتتەن «مەنىڭ وتانىم - قازاقستان» اتتى كىتاپتى سىيعا الادى. بيىل 70 488 بالا مەكتەپ تابالدىرىعىن اتتايدى.

دەرەككوزى: قازاقپارات